വയനാട് മേപ്പാടിയില്‍ മിഠായി കഴിച്ച കുട്ടികള്‍ക്ക് വയറുവേദന. മേപ്പാടി മദ്രസയിലെ കുട്ടികള്‍ക്കാണ് വയറുവേദന അനുഭവപ്പെട്ടത്. 16 കുട്ടികളെ അടുത്തുള്ള പ്രാഥമിക ആരോഗ്യ കേന്ദ്രത്തില്‍ പ്രവേശിപ്പിച്ചിരിക്കുകയാണ്.

മദ്രസയിലെ ഒരു കുട്ടിയുടെ പിറന്നാള്‍ ആഘോഷത്തോട് അനുബന്ധിച്ച് അമ്പതോളം മിഠായികള്‍ അടുത്ത ബേക്കറിയില്‍ നിന്ന് വാങ്ങി നല്‍കിയിരുന്നു. അതിന് ശേഷമാണ് കുട്ടികള്‍ക്ക് വയറുവേദന അനുഭവപ്പെട്ടത്. മറ്റ് ആരോഗ്യപ്രശ്‌നങ്ങളൊന്നുമില്ല. ബേക്കറിയില്‍ ആരോഗ്യവിഭാഗം പരിശോധന നടത്തുകയാണ്.