നാലുവര്ഷ ബിരുദ കോഴ്സ്... ഫീസ് നിരക്ക് കുത്തനെ കൂട്ടിയ കേരള സര്വകലാശാല നടപടി അങ്ങേയറ്റം പ്രതിഷേധാര്ഹമെന്ന് കെ.എസ്.യു സംസ്ഥാന പ്രസിഡന്റ്

നാലുവര്ഷ ബിരുദ കോഴ്സുകളില് ഫീസ് നിരക്ക് കുത്തനെ കൂട്ടിയ കേരള സര്വകലാശാല നടപടി അങ്ങേയറ്റം പ്രതിഷേധാര്ഹമെന്ന് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യര്. തീരുമാനം പിന്വലിക്കണമെന്നാവശ്യപ്പെട്ട് കെ.എസ്.യു സംസ്ഥാന പ്രസിഡന്റ് കേരളാ സര്വകലാശാല വൈസ് ചാന്സലര്ക്ക് കത്ത് നല്കി.
അഡ്മിഷന് സമയത്തെ ഫീസുകള് കുത്തനെ വര്ദ്ധിപ്പിച്ചതിലൂടെ വിദ്യാര്ഥികളെ വെല്ലുവിളിക്കുന്ന സമീപനമാണ് സര്വകലാശാല അധികൃതരുടെ ഭാഗത്തുനിന്ന് ഉണ്ടായിരിക്കുന്നത്. സിന്ഡിക്കേറ്റ് തീരുമാനത്തിനെതിരെ കെ.എസ്.യു ശക്തമായ വിയോജിപ്പ് രേഖപ്പെടുത്തുന്നു.
അഡ്മിഷന് ഫീസ് നിരക്കുകള് 1850 രൂപയില് നിന്ന് 2655 രൂപയായും, എലിജിബിലിറ്റി സര്ട്ടിഫിക്കറ്റിനുള്ള ഫീസ് 210 രൂപയില് നിന്ന് 525 രൂപയായി ഉയര്ത്തിയതുള്പ്പടെയുള്ള തീരുമാനമാണ് സിന്ഡിക്കേറ്റ് കൈ കൊണ്ടിരിക്കുന്നത്.
അല്ലാത്തപക്ഷം ശക്തമായ പ്രക്ഷോഭം സര്വകലാശാലക്ക് അകത്തും പുറത്തും കെ.എസ്.യു സംഘടിപ്പിക്കുമെന്നും വ്യക്തമാക്കി സംസ്ഥാന പ്രസിഡന്റ് അലോഷ്യസ് സേവ്യര് .
"
https://www.facebook.com/Malayalivartha
























