ആറ്റിങ്ങലിന് അടുത്തുള്ള പൂവമ്പാറ എന്ന സ്ഥലത്തു നിന്നാണ് വാവാ സുരേഷ് മനുഷ്യനേക്കാള്‍ ഉയരമുള്ള പെരുമ്പാമ്പിനെ പിടികൂടിയത്. പറമ്പിലെ കാട് ജെ സി ബി ഉപയോഗിച്ച് വൃത്തിയാക്കുന്നതിനിടയിലാണ് നാട്ടുകാര്‍ ഒരു പാമ്പിനെ കണ്ടത്. വലിയ പെരുമ്പാമ്പാണ് എന്നാണ് കണ്ടവരെല്ലാം പറഞ്ഞത്. നിമിഷങ്ങള്‍ക്കുള്ളില്‍ തന്നെ വിവരമറിഞ്ഞ് നാട്ടുകാരെല്ലാം സ്ഥലത്ത് തടിച്ചുകൂടി. ഇതോടെ പാമ്പ് കരിങ്കല്‍ കെട്ടിനുള്ളിലേക്ക് കയറി.

സ്ഥലത്തെത്തിയ വാവാ സുരേഷ് മതില്‍ പൊളിക്കാന്‍ തുടങ്ങി. പാമ്പിന്റെ വാല്‍ഭാഗം കണ്ടെങ്കിലും നല്ല വലുപ്പമുള്ളതിനാല്‍ തല ഭാഗം മറ്റൊരു വശത്തായിരുന്നു. ഏറെനേരെ പണിപെട്ട് വാവാ സുരേഷ് കരിങ്കല്ലുകളെല്ലാം മാറ്റി. അതിനിടെ കരിങ്കല്‍ കെട്ട് പൊളിക്കുന്നതിനിടെ കല്ലുകൊണ്ട് വാവാ സുരേഷിന്റെ കൈക്ക് പരിക്കേറ്റു.