വെഞ്ഞാറമ്മൂട് കൂട്ടക്കൊലപാതകം... ആദ്യ കുറ്റപത്രം സമര്പ്പിച്ചു.... പിതൃ മാതാവ് സല്മ ബീവിയെ കൊലപ്പെടുത്തിയ കേസിലാണ് അഫാനെതിരെ പാങ്ങോട് പൊലീസ് കുറ്റപത്രം സമര്പ്പിച്ചത്

വൈരാഗ്യത്തിനൊടുവില് ... വെഞ്ഞാറമ്മൂട് കൂട്ടക്കൊലപാതകത്തില് ആദ്യ കുറ്റപത്രം നെടുമങ്ങാട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് സമര്പ്പിച്ചു. പിതൃ മാതാവ് സല്മ ബീവിയെ കൊലപ്പെടുത്തിയ കേസിലാണ് അഫാനെതിരെ പാങ്ങോട് പൊലീസ് കുറ്റപത്രം സമര്പ്പിച്ചത്.
450 പേജുള്ള കുറ്റപത്രത്തില് 120 സാക്ഷികളും 40 തൊണ്ടിമുതലുകളുമാണുള്ളത്. സല്മ ബീവിയോട് അഫാന് വൈരാഗ്യം ഉണ്ടായിരുന്നതായി കുറ്റപത്രത്തില് പറയുന്നു.
കടവും അഫാനോട് കടക്കാര് പണം തിരികെ ചോദിച്ചതിലുള്ള ദേഷ്യവുമായിരുന്നു കൊലപാതകത്തിന് പിന്നിലെന്നാണ് കുറ്റപത്രത്തില് പൊലീസ് പറയുന്നത്. കടം വീട്ടാന് സഹായിക്കാതിരുന്നതും അമ്മയെയും തന്നെയും കുറ്റപ്പെടുത്തിയതും പരിഹസിച്ചതുമാണ് പിതൃമാതാവായ സല്മാബീവിയെ കൊലപ്പെടുത്താനുള്ള കാരണം.
കുടുംബം കടബാധ്യതയില് മുങ്ങിനില്ക്കുമ്പോള് പിതൃമാതാവിനോട് സാമ്പത്തിക സഹായം ആവശ്യപ്പെട്ടെങ്കിലും ലഭിച്ചില്ല. ഇവരുടെ കൈവശം രണ്ട് സ്വര്ണമാല ഉണ്ടായിരുന്നെന്നും പിന്നീട് ഒന്ന് കാണാതായെന്നും അഫാന് പറഞ്ഞു. ബന്ധുവായ മറ്റൊരാള്ക്ക് മാല കൊടുത്തെന്നു മനസ്സിലായതോടെ വൈരാഗ്യം തോന്നിയെന്നും അഫാന് മുമ്പ് പൊലീസിനോട് പറഞ്ഞിട്ടുണ്ടായിരുന്നു. ബാക്കിയുള്ള കേസുകളില് വെഞ്ഞാറമ്മൂട് പൊലീസ് ഉടന് കുറ്റപത്രം നല്കുകയും ചെയ്യും.
"
https://www.facebook.com/Malayalivartha
























