കോഴിക്കോട് ബേപ്പൂര്‍ ഫിഷിങ് ഹാര്‍ബര്‍ ജങ്ഷന് സമീപത്തെ ലോഡ്ജില്‍ മധ്യവയസ്‌കന്‍ കൊല്ലപ്പെട്ട നിലയില്‍. ഹാര്‍ബറില്‍ വലപ്പണിയെടുത്തിരുന്ന കൊല്ലം സ്വദേശി സോളമന്‍ (58) ആണ് മരിച്ചത്. ഇന്ന് രാവിലെ കഴുത്തറുക്കപ്പെട്ട നിലയിലാണ് മൃതദേഹം കണ്ടത്.


നിലവില്‍ ലോഡ്ജില്‍ പൊലീസ് പരിശോധന നടത്തി വരുന്നു. ഒരുമിച്ച് ജോലി ചെയ്യുന്ന കൊല്ലം സ്വദേശിയുടെ മുറിയില്‍ നിന്നുമാണ് സോളമന്റെ മരിച്ച കണ്ടെത്തിയത്. പുറത്ത് നിന്ന് പൂട്ടിയ നിലയിലായിരുന്നു മുറി. ചോര കണ്ട് ലോഡ്ജ് മുതലാളി മുറി തുറന്ന് നോക്കിയപ്പോഴാണ് മൃതദേഹം കണ്ടത്.