വിവാഹ ചടങ്ങില്‍ പങ്കെടുത്ത് മടങ്ങവേ എഴുപത്തിരണ്ടുകാരന്‍ കുഴഞ്ഞു വീണു മരിച്ചു
കല്ല്യാണ ചടങ്ങില്‍ പങ്കെടുത്ത് മടങ്ങവെ പത്തനംതിട്ട സ്വകാര്യ ബസ് സ്റ്റാന്റില്‍ കുഴഞ്ഞു വീണയാള്‍ മരിച്ചു. ചെറുകോല്‍ പഞ്ചായത്തിലെ കാട്ടൂര്‍ പേട്ട തെക്കേപാറയില്‍ ടി.കെ. യൂസ്ഫാണ് (72) മരിച്ചത്.
പുത്തന്‍ പീടികയിലെ ഓഡിറ്റോറിയത്തില്‍ നടന്ന ചടങ്ങില്‍ പങ്കെടുത്ത് നാട്ടുകാരനൊപ്പം ബസില്‍ മടങ്ങവെ, ബസ് സ്റ്റാന്റില്‍ ഇറങ്ങിയശേഷം ശനിയാഴ്ച ഉച്ചക്ക് 2.30ഓടെ കുഴഞ്ഞുവീഴുകയായായിരുന്നു
. മറ്റ് യാത്രക്കാരുടെ സഹായത്തോടെ ഉടന്‍ ഓട്ടോറിക്ഷയില്‍ പത്തനംതിട്ട ജനറല്‍ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല.
ഹൃദയാഘാതമാണ് മരണ കാരണമെന്ന് ആശുപത്രി അധികൃതര്‍ . ആറുമാസം മുമ്പ് യൂസ്ഫിന്റെ ഭാര്യ സൈനബ ബീവിയും (63) മരണപ്പെട്ടിരുന്നു. ദീര്‍ഘകാലം ഗള്‍ഫിലായിരുന്ന യൂസ്ഫ് മടങ്ങിവന്ന ശേഷം കാര്‍ഷിക വൃത്തിയിലായിരുന്നു.ഖബര്‍ അടക്കം ഞായറാഴ്ച രാവിലെ 9ന് നാരങ്ങാനം നോര്‍ത്ത് കെ.എന്‍.ടി.പി ഹിദയാത്തുല്‍ ഇസ്ലാം ജമാഅത്ത് ഖബര്‍സ്ഥാനില്‍ നടക്കും.
https://www.facebook.com/Malayalivartha
