ആരോഗ്യനില വഷളായതിന് പിന്നാലെ... കോങ്ങാട് കുരിക്കന്‍ പടി കയറാംകാട് സ്വദേശി അപ്പുക്കുട്ടന്‍ (74) അന്തരിച്ചു. വീട്ടിലെ വളര്‍ത്തുനായയുടെ കടിയേറ്റതിനെ തുടര്‍ന്ന് തൃശ്ശൂരില്‍ ചികിത്സയില്‍ കഴിയുന്നതിനിടെയാണ് മരണം.

ഒരുമാസം മുന്‍പാണ് അപ്പുക്കുട്ടന് വീട്ടിലെ വളര്‍ത്തുനായയുടെ കടിയേറ്റത്. എന്നാല്‍ ആ ഘട്ടത്തില്‍ ആശുപത്രിയില്‍ പോവുകയോ വാക്സീനെടുക്കുകയോ ചെയ്തിരുന്നില്ല. എന്നാല്‍ പിന്നീട് ബുദ്ധിമുട്ടുകള്‍ കണ്ടതിനെ തുടര്‍ന്ന് ആശുപത്രിയില്‍ പ്രവേശിപ്പിക്കുകയായിരുന്നു. ആരോഗ്യനില വഷളായതിന് പിന്നാലെയാണ് ഇന്ന് രാവിലെയോടെ മരണം സംഭവിച്ചത്. പേവിഷബാധയേറ്റാണോ മരണമെന്ന കാര്യത്തില്‍ വ്യക്തതയായിട്ടില്ല.