നെടുമങ്ങാട് പഴകുറ്റിയില്‍ കാറും ട്രാവലറും കൂട്ടിയിടിച്ചുണ്ടായ അപകടത്തില്‍ ഒരു മരണം. വെമ്പായം തേക്കട സ്വദേശി അമീര്‍(35) ആണ് മരിച്ചത്. സംഭവത്തില്‍ മൂന്ന് പേര്‍ക്ക് പരിക്കേറ്റു.

പഴകുറ്റി വെമ്പായം റോഡിലായിരുന്നു അപകടം സംഭവിച്ചത്. തേക്കട സ്വദേശികളായ ഷാഹിന (28), അസ്ജാന്‍ (10), ആലീഫ് (8) എന്നിവര്‍ക്കാണ് പരിക്കേറ്റത്. ഷാഹിന മെഡിക്കല്‍ കോളേജിലും അസ്ജാന്‍, ആലീഫ് എന്നിവര്‍ എസ്.എ.ടി. ആശുപത്രിയിലും ചികിത്സയില്‍ കഴിയുകയാണ്.

വെമ്പായത്ത് നിന്നും നെടുമങ്ങാട്ടേക്ക് വരികയായിരുന്നു ട്രാവലറിലാണ് കാര്‍ ഇടിച്ചത്. പഴകുറ്റിയില്‍ നിന്നും വെമ്പായത്തേക്ക് പോവുകയായിരുന്നു കാര്‍. അഗ്‌നിരക്ഷാസേനയെത്തി കാര്‍ വെട്ടിപ്പൊളിച്ചാണ് പരിക്കേറ്റവരെ പുറത്തെടുത്തത്.