കേരളത്തെ നടുക്കിയ കൂട്ടക്കൊലകേസ്..പ്രതി അഫാന്റെ സ്ഥിതി ഗുരുതരമായി തന്നെ തുടരുന്നു..അവസാനമായി കണ്ടപ്പോള് സംസാരിച്ചത് ജാമ്യം എടുക്കുന്നതിനെ കുറിച്ച്..വക്കീലിന്റെ വെളിപ്പെടുത്തൽ..

കേരളത്തെ നടുക്കിയ കൂട്ടക്കൊലകേസ് പ്രതിയായ അഫാന്റെ ആത്മഹത്യ ശ്രമത്തില് ദുരൂഹതാ സംശയം ശക്തം. ആശുപത്രിയിൽ അതീവഗുരുതരാവസ്ഥയിൽ തുടരുന്ന അഫാന്റെ അവസ്ഥയെ കുറിച്ച് ഒന്നും തന്നെ പറയാൻ ആയിട്ടില്ലെന്ന് ഡോക്ടർമാർ. ഇതിനിടയിൽ ചില ആരോപണങ്ങൾ ആണ് ഉയരുന്നത് . അഫാനെ അഭിഭാഷകനെ അടക്കം ജയില് അധികൃതര് കാണിക്കുന്നില്ല. അവസാനമായി അഫാനെ കണ്ടപ്പോള് തന്നെ ജാമ്യത്തില് ഇറക്കണമെന്ന അഭ്യര്ത്ഥനയാണ് അഭിഭാഷകന് മുന്നില് അഫാന് വച്ചത്. അത്തരമൊരു വ്യക്തി ആത്മഹത്യ ചെയ്യുമോ എന്ന സംശയം അഭിഭാഷകനുണ്ട്.
ഇതിനെപ്പം മറ്റ് ചില സംശയവും അഡ്വക്കേറ്റ് വി സജുവിനുണ്ട്. അഫാനെ കാണാന് മറ്റാരേയും അനുവദിക്കുന്നില്ലെന്ന് അഭിഭാഷകന് സജു ഇപ്പോഴൊരു ഓൺലൈൻ മാധ്യമത്തോട് പ്രതികരിച്ചിരിക്കുകയാണ് . . 48 മണിക്കൂര് കഴിയാതെ അഫാന്റെ ആരോഗ്യ നിലയെ കുറിച്ച് എന്തെങ്കിലും പറയാനാകില്ലെന്ന്് ഡോക്ടര് തന്നോട് പറഞ്ഞെന്നും സജു വെളിപ്പെടുത്തി. ജയിലിനുള്ളിലെ ജയിലിലായിരുന്നു അഫാനെ താമസിപ്പിച്ചിരുന്നത്. അതീവ സുരക്ഷാ മേഖലയിലെ ആത്മഹത്യാ ശ്രമമാണ് അഡ്വക്കേറ്റിനെ അടക്കം കുടുക്കുന്നത്. അതിനിടെ അഫാന് വിഷാദ രോഗമാണെന്ന് ജയില് ്അധികൃതര് പറയുന്നുണ്ട്.ജയിലിനുള്ളില് ആത്മഹത്യക്ക് ശ്രമിച്ച അഫാന്റെ സ്ഥിതി ഗുരുതരമായി തുടരുകയാണ്.
വാര്ത്തകളില് നിന്നാണ് അഭിഭാഷകന് കാര്യമറിയുന്നത്. ജയിലില് നിന്നും അറിയിപ്പും കിട്ടിയിരുന്നില്ല. ആത്മഹത്യ ശ്രമമുണ്ടായിട്ടും അഭിഭാഷകനെ വിവരമറിയിക്കാന് ജയില് അധികാരികള് തയ്യാറാകാത്തതില് ദുരൂഹതയുണ്ടെന്നാണ് അഭിഭാഷകന് പറയുന്നത്. കേസില് ചാര്ജ് ഷീറ്റ് നല്കാനിരിക്കുകയാണ്. ഇതുമായി ബന്ധപ്പെട്ട് പോലീസ് അഫാനെ ജയിലില് എത്തി ചോദ്യം ചെയ്ത് കാണും. ഇതിനെപ്പറ്റി കൂടുതല് വിവരങ്ങള് അറിയില്ല. പോലീസിന് എന്തോ ഒളിപ്പിക്കാനുണ്ടെന്നും അഭിഭാഷകന് ആരോപിക്കുന്നു. അഫാനെ ആശുപത്രിയില് വെച്ചും കാണാന് പോലീസ് അനുവദിക്കുന്നില്ല. അതീവ സുരക്ഷകളുള്ള ജയിലില് അഫാന് മുണ്ടില് തൂങ്ങി മരിക്കാന് ശ്രമിച്ചെന്നത് വിശ്വസിക്കാന് കഴിയുന്നില്ല. ബന്ധുക്കള് ആരും തന്നെ അഫാനെ സഹായിക്കാനില്ല.
അങ്ങനെ ഉണ്ടായിരുന്നെങ്കില് ഇത്ര പ്രശ്നങ്ങളില്ല. ഇതുമായി ബന്ധപ്പെട്ട് ആഭ്യന്തര വകുപ്പിന് പരാതി നല്കിയിട്ടുണ്ടെന്നും അഭിഭാഷകന് പറയുന്നു.ആഴ്ചയില് ഒരു തവണ ഫോണ് വിളിക്കാനുള്ള അവസരം ജയില് പുള്ളികള്ക്ക് അനുവദിക്കുന്നുണ്ടെങ്കിലും അഫാന് ഈ സൗകര്യം അനുവദിച്ചിരുന്നില്ല. വക്കീല് അല്ലാതെ ആരും സന്ദര്ശിക്കാനും എത്തിയിരുന്നില്ല. ജയിലിലായ ശേഷം രണ്ട് തവണ അഭിഭാഷകന് അഫാനെ സന്ദര്ശിച്ചിരുന്നു. ഒരു മാസം മുന്പായിരുന്നു അവസാനം കണ്ടത്. അന്ന് വിശദമായി അഫാനുമായി സംസാരിച്ചിരുന്നു. ഈ സമയം ജാമ്യത്തിനായി അപേക്ഷിക്കണമെന്ന ആവശ്യം അഫാന് പറഞ്ഞിരുന്നു.
സമയം കഴിഞ്ഞതായി ജയില് ഉദ്യോഗസ്ഥര് അറിയിച്ചിട്ടും അഫാന് ഏറെ നേരം നിര്ത്താതെ സംസാരിച്ചു. എന്നാല് കേസില് ജാമ്യം കിട്ടുന്നത് അസാധ്യമായ ഒന്നായിരുന്നതിനാല് അപേക്ഷ നല്കിയില്ല. അതായത് വക്കീൽ പറയുന്നത് അനുസരിച്ചു നോക്കുകയാണെങ്കിൽ അഫാൻ ആത്മഹത്യാ ചെയ്യില്ല , അവസാനമായി കണ്ടപ്പോഴും ജയിലിൽ നിന്നും ജാമ്യം ലഭിക്കേണ്ടതിനെ കുറിച്ചാണ് സംസാരിച്ചത് . ഈയൊരു സാഹചര്യത്തിൽ ഇങ്ങനെ ചെയ്തതിന് പിന്നിൽ ദുരൂഹതയുണ്ടെന്നാണ് അഫാന്റെ വക്കീൽ അടക്കം ആരോപിക്കുന്നത് .
https://www.facebook.com/Malayalivartha

























