സുകാന്ത് സുരേഷ് പൊലീസില് കീഴടങ്ങി.... എറണാകുളം സെന്ട്രല് പൊലീസ് സ്റ്റേഷനിലാണ് സുകാന്ത് കീഴടങ്ങിയത്

ഐബി ഉദ്യോഗസ്ഥയുടെ മരണത്തില് കുറ്റാരോപിതനായ സുഹൃത്തും സഹപ്രവര്ത്തകനുമായ സുകാന്ത് സുരേഷ് പൊലീസില് കീഴടങ്ങി. എറണാകുളം സെന്ട്രല് പൊലീസ് സ്റ്റേഷനിലാണ് സുകാന്ത് കീഴടങ്ങിയത്.
സുകാന്തിന്റെ മുന്കൂര് ജാമ്യാപേക്ഷ തിങ്കളാഴ്ച രാവിലെ ഹൈക്കോടതി തള്ളിയതിനു പിന്നാലെയാണ് കീഴടങ്ങല്. പ്രതിക്കെതിരെയുള്ള ആത്മഹത്യാപ്രേരണാ കുറ്റം പ്രഥമദൃഷ്ട്യാ നിലനില്ക്കുമെന്നു വ്യക്തമാക്കിയാണ് ജസ്റ്റിസ് ബെച്ചു കുര്യന് തോമസ് ഹര്ജി തള്ളിയത്. പ്രതിക്കു കീഴടങ്ങാമെന്നും കോടതി വാക്കാല് വ്യക്തമാക്കിയിരുന്നു.
ഐബി ഉദ്യോഗസ്ഥയുടെ മരണത്തില് താന് നിരപരാധിയാണെന്ന് അവകാശപ്പെട്ടായിരുന്നു സുകാന്ത് ജാമ്യഹര്ജി സമര്പ്പിച്ചിരുന്നത്.
യുവതിയുമായി താന് പ്രണയത്തിലായിരുന്നെന്നും വിവാഹം കഴിച്ച് ജീവിക്കാന് ആഗ്രഹിച്ചെങ്കിലും ഇതിനെ എതിര്ത്ത വീട്ടുകാരുടെ സമ്മര്ദം മൂലം ആത്മഹത്യ ചെയ്യുകയായിരുന്നു എന്നായിരുന്നു വാദം. എന്നാല് കേസ് അന്വേഷണത്തില് തെളിയുന്നത് വ്യത്യസ്തമായ കാര്യങ്ങളാണെന്നാണ് കോടതി പറഞ്ഞത്.
"
https://www.facebook.com/Malayalivartha

























