കേരളത്തിലെ മൂന്നു ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി

കനത്ത മഴ തുടരുന്ന സാഹചര്യത്തില് കണ്ണൂര്, വയനാട്, കോട്ടയം ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടര്മാര് നാളെ അവധി പ്രഖ്യാപിച്ചു. കണ്ണൂര് ജില്ലയില് റെഡ് അലര്ട്ട് പ്രഖ്യാപിച്ചിരിക്കുന്നതിനാലും കനത്ത മഴ തുടരുന്ന സാഹചര്യത്തിലും ജില്ലയിലെ അങ്കണവാടികള്, മദ്രസകള്, ട്യൂഷന് സെന്ററുകള്, സ്പെഷ്യല് ക്ലാസുകള് എന്നിവയ്ക്ക് ചൊവ്വാഴ്ച അവധിയായിരിക്കുമെന്ന് കളക്ടര് അറിയിച്ചു. അങ്കണവാടി ജീവനക്കാര്ക്ക് അവധി ബാധകമല്ല.
വയനാട് ജില്ലയില് ചൊവ്വാഴ്ച റെഡ് അലര്ട്ട് പ്രഖ്യാപിച്ച സാഹചര്യത്തില് ട്യൂഷന് സെന്ററുകള്, മദ്രസകള്, അങ്കണവാടികള്, പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും. റസിഡന്ഷ്യല് സ്കൂളുകള്ക്കും റസിഡന്ഷ്യല് കോളേജുകള്ക്കും അവധി ബാധകമല്ല,
കോട്ടയത്ത് ശക്തമായ മഴ തുടരുന്ന സാഹചര്യത്തിലും മഴ മുന്നറിയിപ്പ് നിലനില്ക്കുന്നതിനാലും ജില്ലയിലെ പ്രൊഫഷണല് കോളേജുകള്, വിദ്യാഭ്യാസ സ്ഥാപനങ്ങള്, അങ്കണവാടികള്, അവധിക്കാല ക്ലാസുക( നടത്തുന്ന വിദ്യാഭ്യാസ സ്ഥാപനങ്ങള് ,ട്യൂഷന് സെന്ററുകള്, മറ്റ് അവധിക്കാല കലാ-കായിക പരിശീലന കേന്ദ്രങ്ങള്, സ്ഥാപനങ്ങള് മതപാഠ ശാലകള് എന്നിവയ്ക്ക് നാളെ അവധിയായിരിക്കും, മുന് നിശ്ചയിച്ച പരീക്ഷകള്ക്ക് അവധി ബാധകമല്ല.
പുഴകളിലും ജലാശയങ്ങളിലും ജലനിരപ്പ് ഉയര്ന്നതിനാല് എല്ലാവരും ജാഗ്രത പാലിക്കണം. കുട്ടികള് ജലാശയങ്ങളിലും വെളിക്കെട്ടിലും ഇറങ്ങരുത്. ശക്തമായ കാറ്റ് മരങ്ങളെ കടപുഴക്കുന്നുണ്ട്. യാത്രകളില് അതീവ ശ്രദ്ധ പുലര്ത്താന് എല്ലാവരും ശ്രദ്ധിക്കണമെന്നും മുന്നറിയിപ്പുണ്ട്.
https://www.facebook.com/Malayalivartha

























