കേരളത്തില് അടുത്ത അഞ്ച് ദിവസം വ്യാപകമായ മഴയ്ക്ക് സാധ്യത...ഇന്ന് മൂന്ന് ജില്ലകളില് ഇന്ന് റെഡ് അലര്ട്ട്, നാല് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി , അപകടത്തെ തുടര്ന്ന് ട്രെയിന് സര്വീസുകള് താറുമാറായി

ഇന്ന് ബംഗാള് ഉള്ക്കടലിന് മുകളിലായി മറ്റൊരു ന്യൂനമര്ദ്ദം കൂടി രൂപപ്പെടാന് സാധ്യതയുള്ളതിനാല് കേരളത്തില് അടുത്ത അഞ്ച് ദിവസം വ്യാപകമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ്. കേരള, ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കുണ്ട്. കേരള തീരത്ത് കള്ളക്കടല് മുന്നറിയിപ്പും പുറപ്പെടുവിച്ചു.
സംസ്ഥാനത്ത് അതിശക്തമായ മഴ തുടരുകയാണ്. കോഴിക്കോട്, വയനാട്, കണ്ണൂര് എന്നീ മൂന്ന് ജില്ലകളില് ഇന്ന് റെഡ് അലര്ട്ടാണ്.തൃശ്ശൂര്, മലപ്പുറം, കാസര്കോട് ജില്ലകളില് ഓറഞ്ച് അലര്ട്ടും, മറ്റ് ജില്ലകളില് യെല്ലോ അലര്ട്ടും പ്രഖ്യാപിച്ചു. അതിശക്തമായ മഴ തുടരുന്ന സാഹചര്യത്തില് കണ്ണൂര്, വയനാട്, കോട്ടയം, കോഴിക്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി നല്കിയിട്ടുണ്ട്.
മാറാത്തവാഡക്ക് മുകളിലായി നിലവില് ന്യുനമര്ദ്ദം സ്ഥിതി ചെയ്യുകയാണ്. ഇന്ന് മധ്യ പടിഞ്ഞാറന് - വടക്കന് ബംഗാള് ഉള്ക്കടലിനു മുകളിലായി മറ്റൊരു ന്യുനമര്ദ്ദം കൂടി രൂപപ്പെടാന് സാധ്യത. സംസ്ഥാനത്ത് മഴക്കെടുതി രൂക്ഷമായിരിക്കുകയാണ്.
അതേസമയം കോഴിക്കോടും ആലുവയിലും കനത്ത മഴയെ തുടര്ന്ന് റെയില്വേ ട്രാക്കിലേക്ക് മരം കടപുഴകി വീണു. കോഴിക്കോട് അരീക്കാടുണ്ടായ ചുഴലിക്കാറ്റില് റെയില്വേ ട്രാക്കിലേക്ക് മൂന്നു മരങ്ങള് കടപുഴകി വീണു.
വീടിന്റെ മേല്ക്കൂര റെയില്വേ ട്രാക്കിലേക്ക് പറന്നുവീഴുകയും ചെയ്്തു. റെയില്വേ ട്രാക്കിന്റെ വൈദ്യുതി ലൈന് ഉള്പ്പെടെ കാറ്റില് തകര്ന്നു. അപകടത്തെ തുടര്ന്ന് ട്രെയിന് സര്വീസുകള് താറുമാറായി. നിരവധി ട്രെയിനുകള് വൈകി ഓടിക്കൊണ്ടിരിക്കുന്നു.
"
https://www.facebook.com/Malayalivartha

























