അറബിക്കടലിലെ ന്യൂനമര്ദ്ദത്തിന് പുറമേ ബംഗാള് ഉള്ക്കടലിലാണ് പുതിയ ന്യൂനമര്ദ്ദം... സംസ്ഥാനത്ത് കനത്തമഴ തുടരുമെന്നാണ് കാലാവസ്ഥ വകുപ്പ്

സംസ്ഥാനത്ത് ആശങ്ക ഇരട്ടിയാക്കി മറ്റൊരു ന്യൂനമര്ദ്ദം കൂടി രൂപപ്പെട്ടു. അറബിക്കടലിലെ ന്യൂനമര്ദ്ദത്തിന് പുറമേ ബംഗാള് ഉള്ക്കടലിലാണ് പുതിയ ന്യൂനമര്ദ്ദം രൂപപ്പെട്ടത്. ഇതിന്റെ സ്വാധീനഫലമായി വരും ദിവസങ്ങളിലും സംസ്ഥാനത്ത് കനത്തമഴ തുടരുമെന്നാണ് കാലാവസ്ഥ വകുപ്പിന്റെ പ്രവചനമുള്ളത്.
അറബിക്കടലില് മഹാരാഷ്ട്രയ്ക്കും കര്ണാടകയ്ക്കും ഇടയിലായാണ് ന്യൂനമര്ദ്ദം സ്ഥിതി ചെയ്യുന്നത്. ഇതിന്റെയും കേരളത്തില് എത്തിയ കാലവര്ഷത്തിന്റെയും സ്വാധീനഫലമായി സംസ്ഥാനത്ത് കനത്തമഴയാണ് ലഭ്യമാകുന്നത്. വടക്കന് കേരളത്തിലാണ് അതിതീവ്രമഴ തുടരുന്നത്.
കനത്തമഴയില് സംസ്ഥാനത്ത് കനത്ത നാശനഷ്ടമാണ് റിപ്പോര്ട്ട് ചെയ്തിട്ടുള്ളത്. ഇതിന് പിന്നാലെയാണ് മറ്റൊരു ന്യൂനമര്ദ്ദം അറബിക്കടലില് രൂപംകൊണ്ടത്. ഇതിന്റെ സ്വാധീനം കൂടി മഴയില് പ്രതിഫലിക്കുമെന്നും കാലാവസ്ഥ കേന്ദ്രം . കേരളത്തിലും കര്ണാടക തീരങ്ങളിലുമാണ് നിലവില് ശക്തമായ മഴ ലഭിക്കുന്നത്. പുതിയ ന്യൂനമര്ദ്ദം രൂപപ്പെട്ടതോടെ തെലങ്കാന, ആന്ധ്രാപ്രദേശിന്റെ തീരപ്രദേശങ്ങള്, തമിഴ്നാട് എന്നിവിടങ്ങളിലും വരുംദിവസങ്ങളില് ശക്തമായ മഴ ലഭിക്കുമെന്നും കാലാവസ്ഥ വകുപ്പ്.
"
https://www.facebook.com/Malayalivartha

























