ബാലുശ്ശേരി നന്മണ്ട 14 ല്‍ കാറും ഓട്ടോറിക്ഷയും ലോറിയും കൂട്ടിയിടിച്ചുണ്ടായ അപകടത്തില്‍ ആറു പേര്‍ക്ക് പരുക്ക്. ഓട്ടോയില്‍ സഞ്ചരിച്ച ആറ് പേര്‍ക്കാണ് പരുക്കേറ്റത്. ഇവര്‍ പേരാമ്പ്ര ചെമ്പ്ര സ്വദേശികളാണ്. പരുക്കേറ്റവരെ ആശുപത്രിയിലേക്ക് മാറ്റി. ഇവരുടെ നില ഗുരുതരമെന്നാണ് സൂചന.

ഇന്നലെ വൈകുന്നേരമുണ്ടായ അപകടത്തില്‍ മൂന്ന് വാഹനങ്ങളും തമ്മില്‍ കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ ഓട്ടോറിക്ഷ ഭാഗികമായി തകരുകയും യാത്രക്കാര്‍ക്ക് പരുക്കേല്‍ക്കുകയും ചെയ്യുകയായിരുന്നു. ഓടിക്കൂടിയ നാട്ടുകാരാണ് ആദ്യം രക്ഷാപ്രവര്‍ത്തനം നടത്തിയത്.

അപകടത്തില്‍പെട്ട കാറിനും വലിയ കേടുപാടുകള്‍ സംഭവിച്ചു . അപകടത്തിന്റെ കാരണം വ്യക്തമല്ല. സംഭവ സ്ഥലത്തെത്തിയ പൊലിസ് കേസെടുത്ത് അന്വേഷണം തുടങ്ങി.