സങ്കടക്കാഴ്ചയായി.... മലയാറ്റൂര്‍ നീലീശ്വരത്ത് യുവതിയെ വീടിനുള്ളില്‍ തൂങ്ങിമരിച്ചനിലയില്‍ കണ്ടെത്തി. നെല്ലിപ്പള്ളി വീട്ടില്‍ ജിജിഷ (29)യെയാണ് മരിച്ചനിലയില്‍ കണ്ടെത്തിയത്. ഭര്‍ത്താവ് സതീഷിനും രണ്ടു മക്കള്‍ക്കുമൊപ്പം നീലീശ്വരത്ത് വാടകയ്ക്കാണ് താമസിച്ചിരുന്നത്.

ചൊവ്വ രാത്രി 12 ഓടെ ഇളയമകനാണ് ജിജിഷയെ തൂങ്ങിയനിലയില്‍ കണ്ടത്. ഉടന്‍ ആശുപത്രിയില്‍ പ്രവേശിപ്പിച്ചെങ്കിലും മരണമടഞ്ഞു. മൃതദേഹം അങ്കമാലി താലൂക്കാശുപത്രിയില്‍. മൃതദേഹം പോസ്റ്റ്മോര്‍ട്ടത്തിനുശേഷം ബന്ധുക്കള്‍ക്ക് വിട്ടുനല്‍കും . രണ്ട് മക്കളുണ്ട്.