വിമാനം ലാൻഡ് ചെയ്ത് ഉടൻ എഴുന്നേറ്റ് വേഗം പുറത്തിറങ്ങരുത്. വൻ തുക പിഴ ഈടാക്കേണ്ടി വരും. എല്ലാ രാജ്യങ്ങളിലും അല്ല ഈ രാജ്യത്ത് മാത്രം. തുർക്കിയാണ് പുതിയ തീരുമാനം കൈകൊണ്ടത്   . ലാൻഡിങ്ങിന് ശേഷം സീറ്റുകളിൽനിന്ന് പെട്ടെന്ന് എഴുന്നേല്‍ക്കുന്നവരില്‍നിന്ന് പിഴ ഈടാക്കാനാണ് തുർക്കി സിവിൽ ഏവിയേഷൻ ഡയറക്ടറേറ്റ് ജനറൽ പുറത്തിറക്കിയ സർക്കുലറിൽ വ്യക്തമാക്കുന്നത്.

പുതിയ നിയമങ്ങൾ അനുസരിച്ച്, വിമാനം പൂർണമായി പാർക്ക് ചെയ്യുന്നത് വരെ യാത്രക്കാർ സീറ്റുകളിൽ ഇരിക്കുക.  സീറ്റ് ബെൽറ്റ് ധരിക്കുക  സീറ്റുകൾ നിവർന്നിരിക്കുക . ഏതെങ്കിലും തരത്തിലുള്ള നിയമലംഘനങ്ങൾ കണ്ടെത്തിയാൽ പിഴ ഈടാക്കും.

എന്നാൽ  പിഴത്തുക എത്ര എന്നതിൽ വ്യക്തത വന്നിട്ടില്ല . എന്നാൽ തുർക്കിഷ് ചാനലായ ഹാൽക്ക് ടിവി റിപ്പോർട്ട് ചെയ്യുന്നതനുസരിച്ച് ഇത് ഏകദേശം 2,603 തുർക്കിഷ് ലിറ വരെയാകാം എന്നാണ്. ഈ തുക ഏകദേശം 5,687 ഇന്ത്യൻ രൂപയ്ക്ക് തുല്യമാണ്.' തുർക്കി സിവിൽ ഏവിയേഷൻ ഡയറക്ടർ ജനറൽ കെമാൽ യൂക്‌സെക്ക്  വ്യക്തമാക്കുന്നത് .

'യാത്രക്കാർ സുരക്ഷാ നടപടിക്രമങ്ങൾ ലംഘിക്കുന്നത്തിൽ വർധനവുണ്ടായിട്ടുണ്ടെന്നാണ്  പറയുന്നത് . ഇത് യാത്രക്കാരുടെയും ലഗേജുകളുടെയും സുരക്ഷ അപകടത്തിലാക്കുന്നു. എഴുന്നേറ്റ് നിൽക്കുക, സീറ്റ് ബെൽറ്റ് അഴിക്കുക, ഓവർഹെഡ് ബിന്നുകൾ തുറക്കുക എന്നിവ ഇതിൽ ഉൾപ്പെടുന്നു.