ലോറി മറിഞ്ഞ് പാലക്കാട് മണ്ണാര്‍ക്കാട് അപകടം. എടത്തനാട്ടുകരയിലെ വട്ടമല വെള്ളച്ചാട്ടത്തിന് സമീപത്തെ വളവിലാണ് ലോറി മറിഞ്ഞത്. മരവുമായി മണ്ണാര്‍ക്കാട് ഭാഗത്തേക്ക് പോവുകയായിരുന്ന ടിപ്പര്‍ ലോറിയാണ് അപകടത്തില്‍പ്പെട്ടുപോയത്. വണ്ടിയിലുണ്ടായിരുന്നത് അന്യസംസ്ഥാന തൊഴിലാളികളായ നാലുപേരാണ്. അപകടത്തില്‍ ആര്‍ക്കും സാരമായ പരിക്കുകളില്ല.

അതേസമയം നായയെ തട്ടി ബൈക്ക് മറിഞ്ഞ് യുവാവിന് പരിക്ക്. പാലക്കാട് മണ്ണാര്‍ക്കാട് ഉണ്ണിയാല്‍ റോഡിലാണ് അപകടം സംഭവിച്ചത്. അപകടത്തില്‍ തടിയംപറമ്പ് വടക്കന്‍ മുഹമ്മദിന്റെ മകന്‍ കുഞ്ഞുമുഹമ്മദിന് (38) ഗുരുതരമായി പരിക്കേറ്റു. ഇന്നലെ വൈകിട്ടായിരുന്നു അപകടം നടന്നത്.