ദുരൂഹതയുയർത്തിയ ഊമക്കത്ത്: ശ്രീകലയ്ക്ക് സംഭവിച്ചത് ഇതോ..?

എങ്ങുമെത്താതെ ആലപ്പുഴ മാന്നാറിൽ കലയെന്ന സ്ത്രീയെ ഭർത്താവും ബന്ധുക്കളും ചേർന്ന് കൊന്നു കുഴിച്ചുമൂടിയെന്ന കേസ്. 2009ൽ നടന്ന കേസ് പുറംലോകമറിഞ്ഞത് കഴിഞ്ഞ ജൂലൈയിലാണ്. ഒരു ഊമക്കത്ത് പോലീസിന് ലഭിച്ചു. അതിൽ മാന്നാർ സ്വദേശിയായ കല കാമുകനൊപ്പം ഒളിച്ചോടിപ്പോയതല്ലെന്നും ഭർത്താവും ബന്ധുക്കളും ചേർന്ന് കൊന്നു കുഴിച്ചുമൂടുകയായിരുന്നു എന്നുമാണ് കത്തിലെ ഉള്ളടക്കം. ഈ കത്ത് ചുരുട്ടി കോട്ടയിലിടാതെ പോലീസ് വിശദ അന്വേഷണത്തിനിറങ്ങി. കലയെ പതിനഞ്ചു വർഷമായി കാണാനില്ലെന്നും, പിന്നീട് കല പോകാൻ സാധ്യതയുള്ള ഇടങ്ങളിൽ പോലീസും അന്വേഷിച്ചിറങ്ങി. പതിനാറു വർഷമായി കലയെ കുറിച്ച് യാതൊരു വിവരവുമില്ല.
കൊല്ലപ്പെട്ടെന്ന് പോലീസ് തീർത്ത് പറഞ്ഞു. പക്ഷെ അത് കോടതിയിൽ തെളിയിക്കുക തീർത്തും ശ്രമകരമാണ്. കേസിൽ ദൃക്സാക്ഷികളില്ല. കൃത്യം നടന്ന സ്ഥലത്തുള്ള തെളിവുകളുമില്ല. കക്കൂസ് ടാങ്കിൽ കുഴിച്ചുമൂടിയെന്ന് പറയുന്ന മൃതദേഹത്തിന്റെ യാതൊരു അവശിഷ്ടങ്ങളും ലഭിച്ചിട്ടില്ല. എന്തിനേറെ പറയുന്നു.. ഒന്നാം പ്രതിയായ ഭർത്താവിനെ ഇതുവരെ നാട്ടിലെത്തിക്കാൻ പോലും കഴിഞ്ഞിട്ടില്ല. അതുകൊണ്ടുതന്നെ കേസ് തെളിയിക്കാൻ പ്രോസിക്യൂഷന് കോടതിയിൽ നന്നേ വിയർക്കേണ്ടിവരും. തെളിവുകളുടെ അഭാവത്തിൽ പ്രതികളെ കോടതി വെറുതെ വിട്ടാൽ കല എവിടെ..? കലയ്ക്ക് എന്തുപറ്റി എന്ന ചോദ്യങ്ങൾ അവശേഷിക്കും.
https://www.facebook.com/Malayalivartha

























