സർക്കാർ സ്കൂ‌ളിലെ പ്യൂണിനെ തൂങ്ങിമരിച്ച നിലയിൽ കണ്ടെത്തി. പത്തനംതിട്ട കോന്നിയിലാണ് സംഭവം . പത്തനംതിട്ട കൂടൽ വൊക്കേഷണൽ ഹയർസെക്കൻഡറി ജീവനക്കാരനായ മുതുപേഴുങ്കൽ സ്വദേശി ബെജിയേയാണ് മരിച്ചനിലയിൽ കണ്ടത്. കോന്നി ഊട്ടുപാറയിലെ  പറമ്പിൽ നിന്നുമാണ്   മൃതദേഹം കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനം.

ബെജി നേരത്തെ ജോലി ചെയ്തിരുന്നത് കോന്നി എലിമുള്ളംപ്ലാക്കലിലെ സർക്കാർ സ്കൂളിലാണ്  . അധ്യാപിക അഴിമതിക്കാരിയാണെന്ന് ആരോപിച്ച് ബെജി വിദ്യാഭ്യാസ വകുപ്പിലേക്ക് കത്തുകൾ അയച്ചിരുന്നു. അത് മാനഹാനിയുണ്ടാക്കിയെന്നും അപകീർത്തികരമായ പ്രചരണം നടത്തിയെന്നാരോപിച്ച് പ്രധാനാധ്യാപിക ബെജിക്കെതിരേ പോലീസിൽ പരാതി നൽകുകയും ചെയ്തിരുന്നു. ഇതിന്റെ അടിസ്ഥാനത്തിൽ   ഇദ്ദേഹത്തിനെതിരെ കേസെടുത്തു .