കെ.എസ്.ആര്‍.ടി.സി ബസുകളുടെ ചവിട്ട് പടികളുടെ ഉയരം കൂടുതലാണെന്ന് പരാതി .... ഉയരം കുറക്കാന്‍ നിര്‍ദേശം നല്‍കി കെ.എസ്.ആര്‍.ടി.സി അധികൃതര്‍
യാത്രക്കാര്‍ക്ക് ആശ്വാസം... കെ.എസ്.ആര്‍.ടി.സി ബസുകളുടെ ചവിട്ട് പടികളുടെ ഉയരം കൂടുതലാണെന്ന് പരാതി ഉയര്‍ന്നതിനെ തുടര്‍ന്ന് ഉയരം കുറക്കാന്‍ നിര്‍ദേശം നല്‍കി കെ.എസ്.ആര്‍.ടി.സി അധികൃതര്‍.
കെ.എസ്.ആര്‍.ടി.സി ബസുകളില്‍ പലപ്പോഴും കയറാനായി ആരോഗ്യമുളളവര്‍ക്കുപോലും ബുദ്ധിമുട്ടാണെന്നാണ് പരാതി ഉയര്‍ന്നിരിക്കുന്നത്. പ്രായമായവര്‍ക്കും ഭിന്നശേഷിക്കാര്‍ക്കും ഇത് ഇരട്ടി ദുരിതമാണെന്ന് മനസിലാക്കിയതിനെ തുടര്‍ന്നാണ് ഇങ്ങനെയൊരു നിര്‍ദേശം നല്‍കിയിട്ടുള്ളത്.
മോട്ടോര്‍ വാഹന നിയമ പ്രകാരവും 2017ല്‍ നിലവില്‍ വന്ന ബസ് ബോഡി കോഡ് പ്രകാരവും തറനിരപ്പില്‍ നിന്ന് 25 സെന്റിമീറ്ററില്‍ കുറയാനും 40സെന്റിമീറ്ററില്‍ കൂടാനും പാടില്ലെന്നാണ് വ്യവസ്ഥയുള്ളത്. എന്നാല്‍ ചില കെ.എസ്.ആര്‍.ടി.സി ബസുകളില്‍ 40 സെന്റിമീറ്ററിന് മുകളിലാണ് ആദ്യ ചവിട്ടുപടി. ഇതില്‍ രണ്ടാമത്തെ പടിക്ക് ഒരടി വരെ ഉയരമാകാമെന്നാണ് വ്യവസ്ഥയുള്ളത്.
"
https://www.facebook.com/Malayalivartha
