മലാപ്പറമ്പ് സെക്‌സ് റാക്കറ്റ് കേസില്‍ രണ്ട് പൊലീസുകാരുള്‍പ്പടെ 12 പ്രതികള്‍
മലാപ്പറമ്പില്‍ ഫ്‌ലാറ്റ് വാടകയ്‌ക്കെടുത്ത് അനാശാസ്യം നടത്തിയതുമായി ബന്ധപ്പെട്ട കേസില്‍ രണ്ട് പൊലീസുകാരെ പ്രതി ചേര്‍ത്തു. പൊലീസ് ഡ്രൈവര്‍മാരായ ഷൈജിത്ത്, കെ സനിത്ത് എന്നിവരെയാണ് പ്രതി ചേര്‍ത്തത്. ഒരാള്‍ വിജിലന്‍സിലും ഒരാള്‍ കണ്‍ട്രോള്‍ റൂം വെഹിക്കിളിന്റെ െ്രെഡവറുമാണ്. അറസ്റ്റിലായ പ്രതികളുടെ ഫോണില്‍ നിന്ന് ലഭിച്ച വിവരങ്ങളെത്തുടര്‍ന്നാണ് രണ്ട് പൊലീസുകാര്‍ക്കെതിരെ അന്വേഷണം ആരംഭിച്ചത്. കെട്ടിടം വാടകയ്‌ക്കെടുത്ത നിമിഷിനെയും കേസില്‍ പ്രതിച്ചേര്‍ത്തു. കേസില്‍ ആകെ 12 പ്രതികളാണുള്ളത്. സംഭവത്തില്‍ അന്വേഷണ ഉദ്യോഗസ്ഥന്‍ കോടതിയില്‍ റിപ്പോര്‍ട്ട് സമര്‍പ്പിച്ചു.
സെക്‌സ് റാക്കറ്റ് കേസുമായി ബന്ധപ്പെട്ട് വയനാട് സ്വദേശി ബിന്ദു, ഇടുക്കി സ്വദേശി അഭിരാമി, കരുവന്‍തിരുത്തി സ്വദേശി ഉപേഷ് എന്നിവരെ കഴിഞ്ഞ ദിവസം നടക്കാവ് പൊലീസ് അറസ്റ്റ് ചെയ്തിരുന്നു. ബിന്ദുവിനെതിരെയുള്ള മറ്റൊരു പരാതിയില്‍ 2022ല്‍ മെഡിക്കല്‍ കോളേജ് പൊലീസ് നോട്ടീസ് നല്‍കി വിട്ടയച്ചിരുന്നു. ഈ സമയത്ത്, ആരോപണ വിധേയരായ പൊലീസുകാര്‍ ഇവരെ ഫോണില്‍ ബന്ധപ്പെട്ടതായാണ് പറയുന്നത്. സെക്‌സ് റാക്കറ്റിലെ പ്രധാന പ്രതികളുമായി പൊലീസുകാര്‍ സാമ്പത്തിക ഇടപാടുകള്‍ നടത്തിയതിന്റെ രേഖകളും അന്വേഷണ ഉദ്യോഗസ്ഥര്‍ക്ക് ലഭിച്ചു. പ്രധാന പ്രതികളുടെ ഫോണ്‍ റെക്കാഡുകള്‍ പരിശോധിച്ചതോടെയാണ് പൊലീസുകാര്‍ കുടുങ്ങിയത്.
അടുത്തിടെയാണ് സെക്‌സ് റാക്കറ്റ് മലാപ്പറമ്പ് താവളമാക്കിയത്. പ്രതികള്‍ക്ക് അനാശാസ്യ കേന്ദ്രം നടത്താന്‍ പുറമേ നിന്ന് സഹായം ലഭിച്ചതായി കഴിഞ്ഞ ദിവസം ചോദ്യം ചെയ്തപ്പോള്‍ സൂചന ലഭിച്ചിരുന്നു. ഇതുമായി ബന്ധപ്പെട്ട് നടത്തിയ പ്രാഥമിക അന്വേഷണത്തിലാണ് പൊലീസുകാര്‍ക്ക് പങ്കുണ്ടെന്ന സംശയം ഉയര്‍ന്നത്. സെക്‌സ് റാക്കറ്റ് നടത്തിപ്പില്‍ പൊലീസുകാര്‍ക്ക് നേരിട്ട് പങ്കുണ്ടെന്നാണ് കണ്ടെത്തല്‍.
https://www.facebook.com/Malayalivartha
