അമര്‍നാഥ് യാത്രയ്ക്ക് സുരക്ഷാഭീഷണി നിലനില്‍ക്കുന്ന പശ്ചാത്തലത്തില്‍ പരിശോധന കര്‍ശനമാക്കി സുരക്ഷാസേന...
അമര്‍നാഥ് യാത്രയ്ക്ക് സുരക്ഷാഭീഷണി നിലനില്‍ക്കുന്ന പശ്ചാത്തലത്തില്‍ പരിശോധന കര്‍ശനമാക്കിയിരിക്കുകയാണ് സുരക്ഷാസേന. വിവിധയിടങ്ങളിലായി 50,000 ത്തിലധികം സുരക്ഷാ ഉദ്യോഗസ്ഥരെ വിന്യസിച്ചിട്ടുണ്ട്. 24 മണിക്കൂറുമുള്ള നിരീക്ഷണത്തിനായി ഡ്രോണുകളും ഹെലികോപ്റ്ററുകളും ഉപയോഗിക്കുന്നതാണ്. ബോഡി സ്‌കാനറുകള്‍, സിസിടിവി കാമറകള്‍ എന്നിവ ഉപയോഗിച്ച് തീര്‍ത്ഥാടകരെ പരിശോധിക്കുകയും ചെയ്യും.
ഭക്തരുടെ സുരക്ഷയ്ക്ക് ആവശ്യമായ എല്ലാ സൗകര്യങ്ങളും ഒരുക്കുമെന്ന് പൊലീസ് . തീര്‍ത്ഥാടകര്‍ അതീവ ജാഗ്രത പാലിക്കണമെന്ന് കേന്ദ്ര ആഭ്യന്തര മന്ത്രി അമിത് ഷായുടെ നിര്‍ദേശം. തീര്‍ത്ഥാടകര്‍ക്ക് വേണ്ട സഹായങ്ങള്‍ നല്‍കണമെന്ന് സുരക്ഷാസേനയ്ക്ക് നിര്‍ദേശം നല്‍കി. ഉന്നത പൊലീസ് ഉദ്യോഗസ്ഥര്‍, അര്‍ദ്ധ സൈനിക ഉദ്യോഗസ്ഥര്‍ സ്ഥിതിഗതികള്‍ വിലയിരുത്തിയിട്ടുണ്ട്. ഗവര്‍ണര്‍ മനോജ് സിന്‍ഹ സുരക്ഷാ ഒരുക്കങ്ങള്‍ അവലോകനം ചെയ്തു. കഴിഞ്ഞ ദിവസം ആരംഭിച്ച് ഓഗസ്റ്റ് ഒമ്പത് വരെ തുടരുന്നതാണ് അമര്‍നാഥ് യാത്ര.
"
https://www.facebook.com/Malayalivartha
