പീരുമേട്ടില്‍ വനത്തിനുള്ളില്‍ ആദിവാസി മരിച്ച സംഭവം കൊലപാതകമെന്ന് സ്ഥിരീകരിച്ചു.പോസ്റ്റ് മോര്‍ട്ടം പരിശോധനയില്‍ ആണ് ഇത് കണ്ടെത്തിയത്.തോട്ടാപ്പുര ഭാഗത്ത് താമസിച്ചിരുന്ന സീത (42) ആണ് കൊല്ലപ്പെട്ടത്.സീതയെ കാട്ടാന ആക്രമിച്ച് കൊലപ്പെടുത്തിയെന്നായിരുന്നു ഭര്‍ത്താവ് ബിനു പറഞ്ഞത്. വന്യമൃഗ ആക്രമണത്തിന്റെ ലക്ഷണങ്ങള്‍ പോസ്റ്റ്‌മോര്‍ട്ടത്തില്‍ കണ്ടെത്തിയില്ല.

സീതയുടെ ശരീരത്തില്‍ ഗുരുതരമായ പരിക്കുകളുണ്ട്. മുഖത്തും കഴുത്തിലും മല്‍പ്പിടുത്തത്തിന്റെ പാടുകള്‍ കണ്ടെത്തി. ഭര്‍ത്താവ് ബിനു പൊലീസ് കസ്റ്റഡിയിലാണ്.സീതയുടെ തലയുടെ വലതു ഭാഗം പലതവണ പരുക്കന്‍ പ്രതലത്തില്‍ ഇടിപ്പിച്ചിട്ടുണ്ട്. തലയുടെ ഇടത് വശത്തും ക്ഷതമുണ്ട്.ഇത് മരത്തില്‍ ഇടിപ്പിച്ചതാകാമെന്നാണ് സൂചന. തലയുടെ പിന്നിലെ പരിക്ക് വീഴ്ചയില്‍ സംഭവിച്ചതാകാം എന്നാണ് കരുതുന്നത്.