നിലമ്പൂരില് തെരഞ്ഞെടുപ്പ് പ്രചാരണം അവസാനഘട്ടത്തില്...പരസ്യ പ്രചാരണം അവസാനിക്കാന് ഇനി മണിക്കൂറുകള് മാത്രം....

നിലമ്പൂരില് തെരഞ്ഞെടുപ്പ് പ്രചാരണം അവസാനഘട്ടത്തിലെത്തി. പരസ്യ പ്രചാരണം അവസാനിക്കാന് മണിക്കൂറുകള് ബാക്കി നില്ക്കെ അവസാന വട്ട പ്രചരണങ്ങളിലാണ് ഇരു മുന്നണികളും കൂടെ മുന് എം.എല്.എ പി.വി. അന്വറും.
നാളെ വൈകുന്നേരം അഞ്ചു മണിക്കാണ് കൊട്ടിക്കലാശം. പ്രധാനമായും നിലമ്പൂര് നഗരം കേന്ദ്രീകരിച്ചുള്ള പ്രചരണമാണ് മുന്നണികള് തീരുമാനിച്ചിരിക്കുന്നത്. എല്.ഡി.എഫ് സ്ഥാനാര്ഥി എം.സ്വരാജ് യുവജനങ്ങളെ കൈയിലെടുക്കുമെന്നാണ് എല്.ഡി.എഫ് കേന്ദ്രങ്ങള് കരുതുന്നത്.
മണ്ഡലത്തില് സുപരിചിതനായ ആര്യാടന് ഷൗക്കത്തില് മുഴുവന് പ്രതീക്ഷയുമര്പ്പിച്ചിരിക്കയാണ് യു.ഡി.എഫ് കേന്ദ്രങ്ങള്. സ്റ്റാര് ക്യാമ്പയിനര്മാരെ ഇതിനോടകം കളത്തിലിറക്കിയ മുന്നണികള് ആ ആവേശം നിലനിര്ത്താനാണ് ലക്ഷ്യമിടുന്നത്.
ഇന്ന് യു.ഡി.എഫ് എല്.ഡി.എഫ് സ്ഥാനാര്ഥികള് മണ്ഡലത്തില് അവസാനവട്ട പര്യടനം പൂര്ത്തിയാക്കും. പി.വി. അന്വറും അവസാന ലാപ്പില് കരുത്ത് കാട്ടാനുള്ള ശ്രമത്തിലാണ്.
അതേസമയം പിണറായി വിജയനും സി.പി.എമ്മുമായി തുറന്ന യുദ്ധം പ്രഖ്യാപിച്ച് നിലവിലെ എം.എല്.എ പി.വി. അന്വര് സ്ഥാനം രാജിവെച്ചതിനെ തുടര്ന്നാണ് ഉപതെരഞ്ഞെടുപ്പ് ആസന്നമായത്. ഈ മാസം 19നാണ് ഉപതെരഞ്ഞെടുപ്പ് നടക്കുക, വോട്ടെണ്ണല് 23 ന് നടക്കും.
https://www.facebook.com/Malayalivartha

























