സ്‌കൂള്‍ കോമ്പൗണ്ടില്‍ അധ്യാപികയുടെ വാഹനമിടിച്ച് വിദ്യാര്‍ത്ഥി ഗുരുതരമായി പരിക്കേറ്റതില്‍ പ്രതിഷേധിച്ച് മലപ്പുറം എം.എസ്പി ഹൈസ്‌കൂള്‍ വിദ്യാര്‍ഥികള്‍ സ്‌കൂളിനു മുന്നില്‍ പ്രതിഷേധം നടത്തുന്നു. വെള്ളിയാഴ്ച വൈകുന്നേരം നാലിനാണ് സ്‌കൂള്‍ വിട്ട സമയത്ത് അപകടം നടന്നത്. പരിക്കേറ്റ വിദ്യാര്‍ഥിനി കോയമ്പത്തൂരില്‍ ചികിത്സയില്‍ കഴിയുകയാണ്.

സംഭവവുമായി ബന്ധപ്പെട്ട് മലപ്പുറം പോലീസ് വാഹന അപകടത്തിന് കേസ് രജിസ്റ്റര്‍ ചെയ്തു. വിദ്യാര്‍ഥിയുടെ മുഴുവന്‍ ചികിത്സ ചിലവും ഭാവി പഠനവും അധ്യാപിക ഏറ്റെടുക്കണമെന്ന് ആവശ്യപ്പെട്ടാണ് വിദ്യാര്‍ഥികള്‍ ക്ലാസില്‍ കയറാതെ പ്രതിഷേധിക്കുന്നത്.