കനത്ത മഴ... കുട്ടനാട് താലൂക്കിലെ വിദ്യാലയങ്ങള്ക്ക് ഇന്ന് അവധി

കനത്ത മഴയെ തുടര്ന്ന് കുട്ടനാട് താലൂക്കിലെ വിദ്യാലയങ്ങള്ക്ക് ഇന്ന് അവധി . പ്രൊഫഷണല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് ജില്ലാ കലക്ടര് അവധി പ്രഖ്യാപിച്ചു.
കോട്ടയത്ത് ദുരിതാശ്വാസ ക്യാംപുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്. കുട്ടനാട് താലൂക്ക് പരിധിയിലെ ഏകദേശം എല്ലാ സ്കൂളുകളിലും പൊതുവഴികളിലും വെള്ളക്കെട്ട് ഉണ്ട്. മഴ ശക്തമായി തുടരുന്ന സാഹചര്യത്തില് താലൂക്കിലെ എല്ലാ വിദ്യാഭ്യാസ സ്ഥാപനങ്ങള്ക്കും അങ്കണവാടികള്ക്കും ട്യൂഷന് സെന്ററുകള്ക്കും ബുധനാഴ്ച അവധി നല്കി ജില്ലാ കളക്ടര് ഉത്തരവു പുറപ്പെടുവിച്ചു. മുന് നിശ്ചയിച്ച പരീക്ഷകള്ക്ക് മാറ്റമില്ല.
അതേസമയം കോട്ടയം ജില്ലയില് ദുരിതാശ്വാസ ക്യാംപുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും കിളിരൂര് എസ്.വി.ജി.പി. എച്ച്എസിനും കിളിരൂര് ഗവണ്മെന്റ് യുപിഎസ്, തിരുവാര്പ്പ് സെന്റ് മേരീസ് എല്പി സ്കൂള്, വേളൂര് ഗവണ്മെന്റ് എല്പി സ്കൂള്, ചിപ്പുങ്കല് ഗവണ്മെന്റ് വെല്ഫെയര് യു പി സ്കൂള് എന്നീ സ്കൂളുകള്ക്കുമാണ് ഇന്ന് അവധി പ്രഖ്യാപിച്ചിരിക്കുന്നത്.
https://www.facebook.com/Malayalivartha

























