ശക്തമായ മഴയില്‍ വടകര തീരമേഖലയില്‍ കടലാക്രമണം രൂക്ഷം. വീടുകള്‍ അപകട ഭീഷണിയില്‍. തിരമാലകള്‍ നിരവധി വീടുകളിലേക്ക് ഇരച്ചുകയറി. രണ്ട് ദിവസമായി കടലോര മേഖലയിലെ ജീവിതം ദുഃസ്സഹമായിരിക്കുകയാണ്.

പുറങ്കരയില്‍ രണ്ട് വീടുകള്‍ ഏത് സമയവും കടലെടുക്കുന്ന സ്ഥിതിയിലാണുള്ളത്. പ്രായമായവരും കൈക്കുഞ്ഞുങ്ങളുമടക്കം ഇവിടെ താമസിക്കുന്നുണ്ട്. പുറങ്കരയില്‍ എരഞ്ഞിക്കല്‍ വളപ്പില്‍ ഐശു, സാഹിത എന്നിവരുടെ വീടുകളാണ് അപകടാവസ്ഥയിലുള്ളത്.

പുറങ്കരയില്‍ കടല്‍ഭിത്തി തകര്‍ന്നു കിടക്കുന്നതിനാല്‍ തിരമാലകള്‍ വീടുകളുടെ തറ ഭാഗത്തേക്ക് ഇരച്ചുകയറിുകയാണ്. വേലിയേറ്റ സമയത്ത് ഈ ഭാഗങ്ങളില്‍ തിരമാലകള്‍ കരയിലേക്ക് 50 മീറ്റര്‍ ദൂരത്തോളം കയറുന്നുണ്ട്. കടല്‍ക്ഷോഭത്തോടൊപ്പം ശക്തമായ കാറ്റും തീരമേഖലയില്‍ നാശം വിതക്കുന്നു.