സവിശേഷ വിദ്യാലയങ്ങളിലെ കുട്ടികള്ക്കായി പ്രത്യേക പാഠപുസ്തകങ്ങള് തയ്യാറാക്കുമെന്ന് പൊതുവിദ്യാഭ്യാസ മന്ത്രി
സവിശേഷ വിദ്യാലയങ്ങളിലെ കുട്ടികള്ക്കായി പ്രത്യേക പാഠപുസ്തകങ്ങള് തയാറാക്കുമെന്ന് പൊതുവിദ്യാഭ്യാസ മന്ത്രി വി ശിവന്കുട്ടി. സംസ്ഥാനത്തെ എല്ലാ മേഖലയിലുമുള്ള കുട്ടികളെ ചേര്ത്തുനിര്ത്തുക എന്നത് സര്ക്കാരിന്റെ പ്രഖ്യാപിത നിലപാടാണ്.
ഭിന്നശേഷി മേഖലയും, അതിഥി തൊഴിലാളികളുടെ കുട്ടികളെയും ചേര്ത്തു നിര്ത്തുന്നതിന് സമഗ്രമായ പദ്ധതികളാണ് സര്ക്കാരും പൊതുവിദ്യാഭ്യാസ വകുപ്പും ആവിഷ്കരിച്ച് നടപ്പിലാക്കുന്നത്. ഈ വര്ഷം സംസ്ഥാനത്തിന്റെ വിദ്യാഭ്യാസ ചരിത്രത്തിലാദ്യമായി സവിശേഷ ബധിര വിദ്യാലയങ്ങളിലെ കുട്ടികള്ക്കായി പ്രത്യേക പാഠപുസ്തകങ്ങള് തയ്യാറാക്കി നല്കാന് തീരുമാനിച്ചിരിക്കുകയാണെന്ന് മന്ത്രി വ്യക്തമാക്കി.
ഈ കുട്ടികളുടെ സവിശേഷമായ കഴിവുകള് പരിഗണിച്ചാണ് എസ്സിഇആര്ടിയുടെ നേതൃത്വത്തില് പുസ്തകങ്ങള് തയ്യാറാക്കിയിരിക്കുന്നത്. ഇതിന്റെ പ്രകാശനവും വിതരണവും ജൂണ് 30ന് തിരുവനന്തപുരം ജഗതി ബധിര വിദ്യാലയത്തില് വെച്ച് നടക്കും. പുതിയ പുസ്തകങ്ങളെ അടിസ്ഥാനപ്പെടുത്തി 32 സവിശേഷ വിദ്യാലയങ്ങളിലെയും അധ്യാപകര്ക്കുള്ള പരിശീലനവും ഇതിനകം പൂര്ത്തിയാക്കിയതായി വ്യക്തമാക്ക മന്ത്രി .
https://www.facebook.com/Malayalivartha
