ദുർമേദസ്സായ ഗവർണർ സ്ഥാനം നിർത്തലാക്കണം: ചെറിയാൻ ഫിലിപ്പ്...

ദുർമേദസ്സായ ഗവർണർ സ്ഥാനം നിർത്തലാക്കണം: ചെറിയാൻ ഫിലിപ്പ്

21 JUNE 2025 04:27 PM IST

മലയാളി വാര്‍ത്ത

ഡ്രീംലൈനര്‍ വിമാനത്തിന്റെ കാലൻ വിശ്വാസ് കുമാറെന്ന് രക്ഷപ്പെടാൻ എമര്‍ജന്‍സി വാതില്‍ വലിച്ചുതുറന്നത് എല്ലാത്തിനെയും കൊന്നു

പ്രിയംവദ കൊലക്കേസ് പ്രതി വിനോദിനെ പഞ്ചാകുഴിയിലെ കൊലനടന്ന വീട്ടിലെത്തിച്ച് തെളിവെടുത്തു....

ഇന്ത്യൻ രാഷ്ടീയ സംവിധാനത്തിലെ ഒരു ദുർമേദസ്സായ ഗവർണർ സ്ഥാനം നിർത്തലാക്കണം. സ്വതന്ത്രവും നിഷ്പക്ഷവുമായി ചുമതലകൾ നിർവഹിക്കേണ്ട ഗവർണർമാരിൽ പലരും നഗ്നമായ രാഷ്ട്രീയകളികളാണു നടത്തുന്നത്. കേരളം, പശ്ചിമ ബംഗാൾ, കർണ്ണാടക, തമിഴ്നാട് എന്നിവിടങ്ങളിൽ രാജ്ഭവനുകൾ രാഷ്ട്രീയ നാടകവേദിയായി അധപ്പതിച്ചിരിക്കുകയാണ്. ആദ്യകാലങ്ങളിൽ ഔന്നത്യമുള്ള വിശിഷ്ട വ്യക്തികളെ മാത്രം നിയമിച്ചിരുന്ന ഗവർണർ പദവി രാഷ്ട്രീയ ഭിക്ഷാംദേഹികളുടെ അഭയകേന്ദ്രമായി മാറിയിരിക്കുന്നു. ജനപിന്തുണ നഷ്ടപ്പെട്ട കാലഹരണപ്പെട്ട രാഷ്ട്രീയ നേതാക്കളെയാണ് ഗവർണർമാരാക്കുന്നത്. കോടിക്കണക്കിന് രൂപ സർക്കാർ ഖജനാവിൽ നിന്നും മുടക്കി നടത്തുന്ന രാജ്ഭവനുകൾ വൃദ്ധ സദനങ്ങളാണ് സംസ്ഥാന താല്പര്യത്തേക്കാൾ മിക്ക ഗവർണർമാർക്കും പ്രധാനം സങ്കുചിത രാഷ്ട്രീയ താല്പര്യങ്ങളാണ്. ഗവർണർ, മുഖ്യമന്ത്രി എന്നീ ഭരണഘടനാ സ്ഥാപനങ്ങൾ തമ്മിലുള്ള തർക്കവിതർക്കങ്ങൾ പലയിടത്തും ഭരണ പ്രതിസന്ധി ഉണ്ടാക്കുന്നു. ഒരേ ഉറയിൽ ഗവർണർ, മുഖ്യമന്ത്രി എന്നീ രണ്ടു വാളുകൾ പാടില്ല. ബ്രിട്ടീഷ് കൊളോണിയൽ ഭരണത്തിൻ്റെ പ്രേതം എന്ന നിലയിലാണ് ഗവർണർ എന്ന അധികാരകേന്ദ്രം ഇന്ത്യയിൽ ഇപ്പോഴും തുടരുന്നത്. ഭരണഘടനാപരമായി ഗവർണർക്ക് സ്വന്തമായി നിർവഹിക്കാൻ ഒരു ചുമതലയുമില്ലെന്ന് ഭരണഘടനാ ശില്പി ഡോ:അബ്ദർകർ തന്നെ വ്യക്തമാക്കിയിട്ടുണ്ട്. ഗവർണർമാർ ഭരണഘടനയുടെ പരിധിക്കപ്പുറം പ്രവർത്തിക്കുന്നതായി 2023-ൽ സുപ്രീം കോടതി തന്നെ ഒരു വിധിയിൽ വിമർശിച്ചിരുന്നു.