ആശ്രിത നിയമന പ്രകാരം ജോലിക്ക് ചേരാന്‍ ഉത്തരവ് ലഭിച്ചവര്‍ക്ക് ജോലിയില്‍ പ്രവേശിക്കുന്നതിന് 45 ദിവസം മുതല്‍ ആറുമാസം വരെ കാലാവധി അനുവദിച്ചുകൊണ്ട് സര്‍ക്കാര്‍ ഉത്തരവിറക്കി.നിലവില്‍ 30 ദിവസമായിരുന്നു കാലാവധിയുണ്ടായിരുന്നത്.

പി.എസ്.സി വഴി നിയമിക്കപ്പെടുന്നവരുടെ അപേക്ഷയില്‍ ആറുമാസം വരെ ജോലിയില്‍ പ്രവേശിക്കാനായി കാലാവധി നല്‍കുന്നുണ്ട്. ഇത് ആശ്രിത നിയമനത്തിനും ബാധകമാക്കിയാണ് ഉത്തരവ്. ഇതനുസരിച്ച് വിദേശത്ത് ജോലി ചെയ്യുന്നവര്‍ക്കും ഗവേഷണം നടത്തുന്നവര്‍ക്കും ബോണ്ട് ഉള്ളവര്‍ക്കും ആറുമാസം വരെയും ഇന്ത്യയ്ക്കകത്ത് ജോലി ചെയ്യുന്നവര്‍ക്ക് മൂന്ന് മാസം വരെയും മറ്റ് അപേക്ഷകളില്‍ ഒന്നരമാസവും കാലാവധി നല്‍കാന്‍ പുതിയ ഉത്തരവിലൂടെ കഴിയുന്നതാണ്.