അനധികൃത സ്വത്ത് സമ്പാദനം.. വിജിലന്സ് പക്കലുള്ള അസ്സല് കൈയ്യൊപ്പുള്ള സാക്ഷി മൊഴികള് അടങ്ങിയ കേസ് ഡയറി ഫയല് ഹാജരാക്കണമെന്ന ഹര്ജി തള്ളണമെന്ന് സര്ക്കാര് കോടതിയില്..

എഡിജിപി എം. ആര്. അജിത് കുമാറിനെതിരായ അനധികൃത സ്വത്ത് സമ്പാദനക്കേസില് വിജിലന്സ് പക്കലുള്ള അസ്സല് കൈയ്യൊപ്പുള്ള സാക്ഷി മൊഴികള് അടങ്ങിയ കേസ് ഡയറി ഫയല് ഹാജരാക്കണമെന്ന വാദി ഭാഗം ഹര്ജി തള്ളണമെന്ന് സര്ക്കാര് തലസ്ഥാന വിജിലന്സ് കോടതിയില് ആവശ്യമുന്നയിച്ചു. വിജിലന്സ് സര്ക്കാരിനു നല്കിയ അസ്സല് (ഒറിജിനല്) വിജിലന്സ് റിപ്പോര്ട്ട് ഹാജരാക്കണമെന്ന ഹര്ജിയില് ആക്ഷേപം ഫയല് ചെയ്യാന് സര്ക്കാര് സമയം തേടി.
ആക്ഷേപമുണ്ടെങ്കില് തിങ്കളാഴ്ച ഹാജരാക്കാനും വാദം ബോധിപ്പിക്കാനും വിജിലന്സ് കോടതി ജഡ്ജി മനോജ് ഉത്തരവിട്ടു. അതേ സമയം
അഡീ. ഡിജിപി എം ആര് അജിത് കുമാറിന്റെ സ്ഥാവര ജംഗമ സ്വത്തുക്കളുടെ മൂല്യ നിര്ണ്ണയം നടത്താത്തതെന്തെന്ന് വിജിലന്സിനോട് കോടതി ചോദിച്ചു. ഉത്തരം മുട്ടി സര്ക്കാര് കോടതിയില് നിന്നു. അതേ സമയം സ്വകാര്യ ഹര്ജി അപ്പാടെ തള്ളണമെന്ന സര്ക്കാര് ആവശ്യം അപക്വമെന്ന് കോടതി സര്ക്കാരിനെ ഓര്മിപ്പിച്ചു.
എം ആര് അജിത് കുമാറിനെ കുറ്റ വിമുക്തനാക്കി ക്ലീന് ചിറ്റ് നല്കിയ വിജിലന്സ് അന്വേഷണ റിപ്പോര്ട്ട് തള്ളി കേസെടുക്കണമെന്നാ
വശ്യപ്പെട്ട് അഡ്വ നെയ്യാറ്റിന്കര.പി. നാഗരാജ് സമര്പ്പിച്ച ഹര്ജിയില് തുടര് വാദം കേള്ക്കവേയാണ് കോടതി വിജിലന്സിനോട് ചോദ്യം ചോദിച്ചത്.
കോടതിയില് വിജിലന്സ് സമര്പ്പിച്ച റിപ്പോര്ട്ട് പകര്പ്പ് മാത്രമാണെന്നും ഒറിജിനല് റിപ്പോര്ട്ട് സര്ക്കാരിലാണെന്നും കോടതിയില് സമര്പ്പിച്ച സാക്ഷ്യപ്പെടുത്താത്ത റിപ്പോര്ട്ടില് തിരിമറി സംശയിക്കുന്നതായും അതിനാല് കേസ് ഡയറി ഫയല് വിളിച്ചു വരുത്തി കോടതി പരിശോധിക്കണമെന്നുമുള്ള വാദി ഭാഗം ആവശ്യത്തില് കഴമ്പുണ്ടെന്ന് കോടതി വിലയിരുത്തി.
അന്വേഷണ ഉദ്യോഗസ്ഥന് നടത്തിയ അന്വേഷണം വിലയി രുത്താനും വസ്തുതാ റിപ്പോര്ട്ടില് പിശകുണ്ടെങ്കില് കണ്ടെത്താനും കേസ് ഡയറി പരിശോധിക്കാന് കോടതിക്ക് അധികാരമുണ്ടെന്നും വാദത്തിനിടെ കോടതി പറഞ്ഞു.
അഡീ. ഡിജിപി എം. ആര്. അജിത്കുമാറിനെ കുറ്റ വിമുക്തനാക്കി ക്ലീന് ചിറ്റ് നല്കിയ വിജിലന്സ് അന്വേഷണ റിപ്പോര്ട്ടിനെതിരെ തലസ്ഥാന വിജിലന്സ് കോടതിയില് സമര്പ്പിച്ച തടസ ഹര്ജിയില് കോടതി തുടര് വാദം കേള്ക്കുകയായിരുന്നു. 2016 ഫെബ്രുവരി 19 ന് 33.15 ലക്ഷം രൂപയ്ക്ക് കവഡിയാര് വാങ്ങിയ കോര്ഡിയല് ഫ്ലാറ്റ് , ഇതേ ഫ്ലാറ്റ് ഫെബ്രുവരി 29 ന് 65 ലക്ഷം രൂപക്ക് വിറ്റതിന്റെയും വിലയാധാരങ്ങള്ക്ക് കേന്ദ്ര സര്ക്കാര് അനുമതി വാങ്ങിയിട്ടില്ലെന്ന് വാദി ഭാഗം ബോധിപ്പിച്ചു. തിരുവനന്തപുരം വിജിലന്സ് കോടതി ജഡ്ജി മനോജാണ് ഹര്ജി പരിഗണിച്ചത്.
"
https://www.facebook.com/Malayalivartha

























