ടൂറിസ്റ്റ് ബസും കെഎസ്ആര്‍ടിസി സ്വിഫ്റ്റ് സൂപ്പര്‍ഫാസ്റ്റും കൂട്ടിയിടിച്ച് അപകടം. 40ലേറെ പേര്‍ക്ക് പരിക്കേറ്റു. എംസി റോഡില്‍ ചെങ്ങന്നൂര്‍ ക്രിസ്ത്യന്‍ കോളേജ് ജങ്ഷനിലായിരുന്നു അപകടം സംഭവിച്ചത്.

വിവാഹ നിശ്ചയച്ചടങ്ങില്‍ പങ്കെടുക്കാനായി അടൂര്‍ തെങ്ങമത്ത് നിന്നും മണിമലഭാഗത്തേക്ക് പോയ ടൂറിസ്റ്റ് ബസും എതിര്‍ ദിശയില്‍ തിരുവനന്തപുരത്തേക്ക് പോകുന്ന കെഎസ്ആര്‍ടിസി സ്വിഫ്റ്റുമാണ് കൂട്ടിയിടിച്ചത്.

പരിക്കേറ്റവരെ പൊലീസിന്റെയും നാട്ടുകാരുടേയും നേതൃത്വത്തില്‍ ചെങ്ങന്നൂര്‍ ജില്ലാ ആശുപത്രി, പരുമല, കല്ലിശ്ശേരി ആശുപത്രികളില്‍ പ്രവേശിപ്പിച്ചു. ഞായര്‍ രാവിലെ 10ഓടെയായിരുന്നു അപകടം നടന്നത്. എം സി റോഡില്‍ ഒരു മണിക്കൂര്‍ ഗതാഗതം സ്തംഭിച്ചു.