ശബരിമലയിലെ പുതിയ നവഗ്രഹ ശ്രീകോവിലില് പ്രതിഷ്ഠ ജൂലൈ 13 ന്...

ശബരിമലയിലെ പുതിയ നവഗ്രഹ ശ്രീകോവിലില് പ്രതിഷ്ഠ ജൂലൈ 13 ന് നടക്കും. ജൂലൈ 13ന് പകല് 11 നും 12 നും നും മധ്യേയുള്ള കന്നി രാശി മുഹൂര്ത്തത്തിലാണ് പ്രതിഷ്ഠാ കര്മ്മം നടക്കുക. പ്രതിഷ്ഠാ ചടങ്ങുകള്ക്കായി ജൂലൈ 11ന് വൈകുന്നേരം 5 മണിക്ക് നട തുറക്കും. നട തുറന്ന ശേഷം തന്ത്രി കണ്ഠരര് രാജീവരുടെ മുഖ്യകാര്മികത്വത്തില് ശുദ്ധിക്രിയകള് ആരംഭിക്കുകയും ചെയ്യും.
ജൂലൈ 12ന് പ്രതിഷ്ഠയോടനുബന്ധിച്ചുള്ള പ്രത്യേക പൂജകള് ഉണ്ടായിരിക്കും. പ്രതിഷ്ഠാ ദിനമായ ജൂലൈ 13ന് രാവിലെ ഗണപതി ഹോമം, ശൈയ്യയില് ഉഷപൂജ, മരപ്പാണി തുടങ്ങിയ ചടങ്ങുകള്ക്ക് ശേഷമാണ് പ്രതിഷ്ഠാ കര്മ്മം നടക്കുക. മാളികപ്പുറത്തിന് സമീപമാണ് പുതിയ നവഗ്രഹ ശ്രീകോവില് നിര്മ്മിക്കുന്നത്.
നിലവിലുള്ള നവഗ്രഹ ശ്രീകോവില് കൂടുതല് അഭികാമ്യമായ സ്ഥലത്തേക്ക് മാറ്റി പ്രതിഷ്ഠിക്കണം എന്ന ദേവപ്രശ്നവിധി അനുസരിച്ചാണ് പുതിയ നവഗ്രഹ ശ്രീകോവില് നിര്മ്മിച്ചത്.
പ്രതിഷ്ഠയോടനുബന്ധിച്ചുള്ള പൂജകള്ക്കായി ശബരിമല നട തുറക്കുമ്പോള് ദര്ശനം നടത്താന് ആഗ്രഹിക്കുന്ന ഭക്തര്ക്ക് വെര്ച്ചല് ക്യൂ വഴി ദര്ശനത്തിനുള്ള സമയം ബുക്ക് ചെയ്യാവുന്നതാണ്.
"
https://www.facebook.com/Malayalivartha

























