സങ്കടക്കാഴ്ചയായി... തൃത്താല പടിഞ്ഞാറങ്ങാടിയില്‍ ലോഡിങ്ങ് ജോലിക്കിടെ ചുമട്ട് തൊഴിലാളി കുഴഞ്ഞ് വീണ് മരിച്ചു. ആനക്കര മലമല്‍ക്കാവ് അരിക്കാട് സ്വദേശി പള്ളത്ത് വീട്ടില്‍ ശൈലേഷ്(35) ആണ് മരിച്ചത്. ഇന്നലെ രാവിലെ പത്തരയോടെ ആയിരുന്നു സംഭവമുണ്ടായത്.

പടിഞ്ഞാറങ്ങാടി ഭാഗത്തെ കരിങ്കല്‍ ക്വാറിയില്‍ ലോഡിങ് ജോലി കഴിഞ്ഞ് ചായ കുടിക്കാനായി നടന്ന് പോവുന്നതിനിടെ യുവാവ് തളര്‍ന്ന് വീഴുകയായിരുന്നു. ഉടന്‍ തന്നെ പടിഞ്ഞാറങ്ങാടിയിലെ സ്വകാര്യ ക്ലിനിക്കില്‍ പ്രവേശിപ്പിച്ചുവെങ്കിലും മരണം സംഭവിച്ചു.

പടിഞ്ഞാറങ്ങാടിയില്‍ ഐന്‍ടിയുസി ചുമട്ട് തൊഴിലാളിയായിരുന്ന ശൈലേഷ് രണ്ട് വര്‍ഷം മുന്‍പാണ് ഈ ജോലിയില്‍ പ്രവേശിച്ചത്. അവിവാഹിതനായിരുന്നു. മൃതദേഹം പട്ടാമ്പി താലൂക്ക് ആശുപത്രിയിലെ പോസ്റ്റ്‌മോര്‍ട്ടം നടപടികള്‍ക്ക് ശേഷം ബന്ധുക്കള്‍ക്ക് വിട്ടുനല്‍കുകയും ചെയ്തു .