കോഴിക്കോട് സാമൂതിരി രാജ കെ.സി.ആര്‍. രാജ എന്ന കോട്ടയ്ക്കല്‍ കിഴക്കേ കോവിലകാംഗം രാമചന്ദ്രന്‍ രാജ അന്തരിച്ചു...
കോഴിക്കോട് സാമൂതിരി രാജ കെ.സി.ആര്‍. രാജ എന്ന കോട്ടയ്ക്കല്‍ കിഴക്കേ കോവിലകാംഗം രാമചന്ദ്രന്‍ രാജ(93) അന്തരിച്ചു. ബംഗളൂരുവിലെ ആശുപത്രിയില്‍ വ്യാഴാഴ്ച രാവിലെ ആയിരുന്നു അന്ത്യം സംഭവിച്ചത്.
രാജ്യാന്തരതലത്തില്‍ അറിയപ്പെടുന്ന മാനേജ്മെന്റ് കണ്‍സള്‍ട്ടന്റ് വിദഗ്ധന്‍ കൂടിയായ അദ്ദേഹം രണ്ടു മാസം മുമ്പാണ് സാമൂതിരിയായി തിരഞ്ഞെടുക്കപ്പെട്ടത്. ബെംഗളൂരുവിലെ വൈറ്റ്ഫീല്‍ഡില്‍ താമസക്കാരനായ കെ.സി.ആര്‍. രാജ നാല്പതു വര്‍ഷത്തിലേറെ ബിസിനസ് മാനേജ്മെന്റ്- മാനേജ്മെന്റ് അധ്യയന- മാനേജ്മെന്റ് കണ്‍സള്‍ട്ടന്‍സി മേഖലയിലെ സജീവസാന്നിധ്യമായിരുന്നു.
ഇന്ത്യയിലെയും ഗള്‍ഫ് മേഖലയിലെയും വിവിധ സ്ഥാപനങ്ങളുടെ മാനേജ്മെന്റ് ഉപദേഷ്ടാവായിരുന്നു. കോട്ടയ്ക്കല്‍ കിഴക്കേ കോവിലകാംഗം പരേതയായ മഹാദേവി തമ്പുരാട്ടിയുടെയും പരേതനായ ജാതവേദന്‍ നമ്പൂതിരിയുടെയും ഏകമകനാണ്. ഭാര്യ: ഇന്ദിര രാജ മേനോന്‍. മക്കള്‍: കല്യാണി രാജ മേനോന്‍ (ബെംഗളൂരൂ), നാരായണ്‍മേനോന്‍ (യുഎസ്എ).
https://www.facebook.com/Malayalivartha
