ഓടിക്കൊണ്ടിരുന്ന ബസില്‍ നിന്ന് തെറിച്ചുവീണ് വയോധിക മരിച്ചു
തൃശൂരില്‍ ഓടിക്കൊണ്ടിരുന്ന ബസില്‍ നിന്ന് തെറിച്ചുവീണ് വയോധിക മരിച്ചു. പൂവത്തൂര്‍ സ്വദേശി നളിനി (74) ആണ് മരിച്ചത്. തൃശൂരില്‍ ഇന്ന് രാവിലെ 10.14നായിരുന്നു അപകടം. പൂവത്തൂരിലേക്കുള്ള 'ജോണീസ്' ബസില്‍ വച്ചാണ് അപകടം ഉണ്ടായത്. രാവിലെ പൂച്ചക്കൂന്ന് സ്‌റ്റോപ്പില്‍ നിന്നാണ് നളിനി ബസില്‍ കയറിയത്. നളിനി കയറിയ ഉടന്‍ തന്നെ കണ്ടക്ടര്‍ വാതില്‍ അടച്ചു.
ആദ്യം ഡ്രൈവറുടെ പിറകിലെ കമ്പിയില്‍ പിടിച്ചുനിന്ന നളിനി പിറകില്‍ സീറ്റുണ്ടെന്ന് പറഞ്ഞപ്പോള്‍ അങ്ങോട്ടു പോകുകയായിരുന്നു. ഇതിനിടെ ബസ് വളവ് തിരിഞ്ഞതോടെ ബാലന്‍സ് തെറ്റി നളിനി വാതിലിന്റെ ഭാഗത്തേക്ക് തെറിച്ചുവീണു. കണ്ടക്ടര്‍ കൈയില്‍ പിടിക്കാന്‍ ശ്രമിച്ചെങ്കിലും കഴിഞ്ഞില്ല. വാതിലിലിടിച്ച് വാതില്‍ തുറക്കുകയും നളിനി പുറത്തേക്ക് തലയിടിച്ച് വീഴുകയും ചെയ്തു. ഉടന്‍ തന്നെ ബസ് നിര്‍ത്തി നളിനിയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്.
https://www.facebook.com/Malayalivartha
