തിരുവനന്തപുരം ജനറല്‍ ആശുപത്രിയില്‍ ശസ്ത്രക്രിയയ്ക്കിടെ നെഞ്ചില്‍ സര്‍ജിക്കല്‍ ട്യൂബ് കുടുങ്ങിയെന്ന് ആരോപണം. കാട്ടാക്കട സ്വദേശിയായ യുവതിയാണ് ആരോപണം ഉന്നയിച്ചിരിക്കുന്നത്. 50 സെന്റിമീറ്റര്‍ നീളമുള്ള ട്യൂബ് ആണ് കുടുങ്ങിയത്. ഇതുമായി ബന്ധപ്പെട്ട് യുവതി ആരോഗ്യ വകുപ്പില്‍ പരാതി നല്‍കിയിട്ടുണ്ട്.

രണ്ട് വര്‍ഷം മുന്‍പ് നടന്ന തൈറോയ്ഡ് ശസ്ത്രക്രിയയ്ക്കിടെയാണ് ട്യൂബ് കുടുങ്ങിയതെന്നാണ് യുവതി പറയുന്നത്. കഫക്കെട്ട് വന്നപ്പോള്‍ എക്‌സ് റേ എടുത്തപ്പോഴാണ് നെഞ്ചില്‍ ട്യൂബ് കിടക്കുന്നതായി അറിഞ്ഞതെന്നും യുവതി പറയുന്നു. ശാസ്ത്രക്രിയ നടത്തിയ ഡോക്ടര്‍ ഒഴിഞ്ഞു മാറുകയാണെന്നും ആരോപണമുണ്ട്. ട്യൂബ് നെഞ്ചില്‍ ഒട്ടിപ്പോയി എന്നും എടുത്ത് മാറ്റാന്‍ പ്രയാസമാണെന്നും ശ്രമിച്ചാല്‍ ജീവന് ഭീഷണിയാണെന്ന് ഡോക്ടര്‍ അറിയിച്ചെന്നും യുവതി പറയുന്നു.