തത്തയെ വളര്‍ത്തിയതിന് വീട്ടുടമസ്ഥനെതിരേ കേസെടുത്ത് വനംവകുപ്പ്. കോഴിക്കോട് നരിക്കുനി ഭാഗത്തുളള വയലില്‍ നിന്ന് കെണിവച്ച് പിടികൂടിയ തത്തയെ വളര്‍ത്തിയതിനാണ് കേസെടുത്തത്. നരിക്കുനി പഞ്ചായത്തിലെ ഭരണിപ്പാറ കുടുക്കിലെന്ന വീട്ടില്‍ നിന്നാണ് കൂട്ടിലടച്ച് വളര്‍ത്തിയ തത്തയെ താമരശേരി റേഞ്ച് ഫോറസ്റ്റ് ഓഫിസറും സംഘവും കസ്റ്റഡിയിലെടുത്തത്.

റേഞ്ച് ഫോറസ്റ്റ് ഓഫിസര്‍ പ്രേം ഷമീറിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ അന്വേഷണം നടത്തിയത്. സെക്ഷന്‍ ഫോറസ്റ്റ് ഓഫീസറായ കെ.കെ. സജീവ് കുമാര്‍, ബീറ്റ് ഫോറസ്റ്റ് ഓഫിസര്‍മാരായ നിധിന്‍, നീതു, തങ്കച്ചന്‍, സതീഷ് കുമാര്‍ എന്നിവരാണ് സംഘത്തില്‍ ഉണ്ടായിരുന്നത്.