പാലക്കാട് വീട് കുത്തി തുറന്ന് മോഷണം നടത്തിയ പ്രതി പിടിയിലായി. തച്ചനാട്ടുകര നാട്ടുകല്‍ കരുത്തേണിപറമ്പ് ഹംസയുടെ വീടിന്റെ പിന്‍ഭാഗത്ത് കവര്‍ച്ച നടത്തി വീട്ടില്‍ കയറി 85,000 രൂപയും 15,000 രൂപയോളം വിലവരുന്ന 3 സ്വര്‍ണ വളകള്‍ എന്നിവ മോഷ്ടിച്ച മലപ്പുറം വേങ്ങര മട്ടത്തൂര്‍ തെക്കരകത്ത് വീട്ടില്‍ അബ്ദുള്‍ റസാഖ് (36) ആണ് നാട്ടുകല്‍ പൊലീസിന്റെ പിടിയിലായത്.

പ്രതിയുമായി സ്ഥലത്തെത്തി പൊലീസ്  തെളിവെടുപ്പ് നടത്തി. 2024 ഓഗസ്റ്റ് 22 രാത്രിയാണ് കേസിന് ആസ്പദമായ സംഭവം ഉണ്ടായത്.