റേഷന് കടകളെ മിനി മാവേലി സ്റ്റോറുകളാക്കുന്ന പദ്ധതി ഭക്ഷ്യപൊതുവിതരണ വകുപ്പിന്റെ പരിഗണനയില്...
റേഷന് കടകളെ മിനി മാവേലി സ്റ്റോറുകളാക്കുന്ന പദ്ധതി ഭക്ഷ്യപൊതുവിതരണ വകുപ്പിന്റെ പരിഗണനയില്. റേഷന് സാധനങ്ങള് ലഭ്യമാക്കുന്നതിന് പുറമേയാണിത്.
സപ്ലൈകോയുടെ സേവനങ്ങള് പൊതുജനങ്ങള്ക്ക് വ്യാപകമായി ലഭ്യമാക്കാനും റേഷന് വ്യാപാരികള്ക്ക് കൂടുതല് വരുമാനം ഉറപ്പാക്കാനും സഹായിക്കുകയും ചെയ്യും. ഓണക്കാലത്ത് സപ്ലൈകോയുടെ വിപണി ഇടപെടല് വന് വിജയമായതോടെയാണ് പദ്ധതി ഗൗരവമായി പരിഗണനയിലെടുക്കുന്നത്.
ഈ പദ്ധതി നടപ്പിലായാല് അരി, പലവ്യഞ്ജനം ഉള്പ്പെടെയുള്ള എല്ലാം സാധനങ്ങളും കുറഞ്ഞ വിലയിലും സബ്സിഡി നിരക്കിലും റേഷന് ഗുണഭോക്താക്കള്ക്ക് ലഭിക്കും. സപ്ലൈകോ സബ്സിഡി സാധനങ്ങള് നല്കുന്നതും റേഷന് കാര്ഡുടമകള്ക്കാണ്. സപ്ലൈകോ സാധനങ്ങളുടെ വിപണനത്തിനായി സൗകര്യം ഒരുക്കുകയാണ് റേഷന് കടക്കാര് ചെയ്യേണ്ടത്. സാധനങ്ങള് സപ്ലൈകോ എത്തിക്കും.
മുന്കൂട്ടി പണം നല്കേണ്ട, വിറ്റശേഷം പണമൊടുക്കിയാല് മതിയാകും. സാധനങ്ങള്ക്ക് വില കുതിച്ചുയരുമ്പോള് സപ്ലൈകോ സബ്സിഡി നല്കി നടത്തുന്ന വിപണി ഇടപെടല് റേഷന് കടകളിലൂടെ കൂടുതല് കാര്യക്ഷമമാക്കാനായി കഴിയുമെന്നതാണ് മറ്റൊരു മെച്ചമുള്ളത്.
"
https://www.facebook.com/Malayalivartha
