സൂചനാസമരം ഫലം കാണാതെ വന്നതോടെ, മെഡിക്കൽ കോളേജ് ഡോക്ടർമാർ പണിമുടക്കിലേക്ക്. 13ന് അത്യാഹിത വിഭാഗമൊഴികെ മറ്റെല്ലാ സേവനങ്ങളിൽ നിന്നും ഡോക്ടർമാർ വിട്ടു നിൽക്കുമെന്ന് കേരള ഗവ.മെഡിക്കൽ കോളേജ് ടീച്ചേഴ്സ് അസോസിയേഷൻ (കെ.ജി.എം.സി.ടി.എ) ഭാരവാവാഹികൾ .

ഒ.പികൾ, വാർഡുകൾ, ഓപ്പറേഷൻ തീയേറ്റർ, വിദ്യാർത്ഥികളുടെ ക്ലാസുകൾ, മറ്റ് യോഗങ്ങൾ എന്നിവിടങ്ങളിൽ ഡോക്ടർമാർ അന്ന് വരില്ല. അത്യാഹിതവിഭാഗം,അടിയന്തര ഓപ്പറേഷൻ തീയേറ്റർ, ലേബർ റൂം, മോർച്ചറി എന്നിവിടങ്ങളിൽ മാത്രമായി സേവനം പരിമിതപ്പെടുത്തും

.ജൂലായ് ഒന്നു മുതൽ വ്യത്യസ്തങ്ങളായ പ്രതിഷേധങ്ങൾ നടത്തും . മൂന്നാഴ്ചയായി ഓരോ ദിവസം ഒ.പി ബഹിഷ്കരണം ഉൾപ്പെടെ നടത്തിയിട്ടും സർക്കാർ ചർച്ചയ്ക്ക് പോലും തയ്യാറാകുന്നില്ല.

മുതിർന്ന ‌‌ഡോക്ടർമാർ ഒ.പി ബഹിഷ്കരിക്കുമ്പോൾ പി.ജി ഡോക്ടർമാരെയും ഹൗസ്സർജൻമാരെയും ഉപയോഗിച്ച് ബദൽ സംവിധാനമൊരുക്കുകയാണ്

. ജില്ലാ ജനറൽ ആശുപത്രിയിലെ ‌ഡോക്ടർമാർ വിദഗ്ദ്ധ ചികിത്സയ്ക്ക് അയക്കുന്ന രോഗികളെ വിദ്യാർത്ഥികൾ പരിശോധിക്കേണ്ടിവരുന്നത് രോഗികളെ കബളിപ്പിക്കലാണെന്നും ഭാരവാഹികൾ കുറ്റപ്പെടുത്തുകയും ചെയ്തു.