മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): കുടുംബ സൗഖ്യം, നിയമപരമായ കാര്യങ്ങളിൽ വിജയം, നല്ല സുഹൃത്തുക്കൾ ഉണ്ടാവുക, രോഗങ്ങളിൽ നിന്നുള്ള ശാന്തി എന്നിവ ഇന്ന് ലഭിക്കും. വിദ്യാ പുരോഗതി, രചന വഴി കീർത്തി എന്നിവ പ്രതീക്ഷിക്കാം. വിശിഷ്ട വ്യക്തികളെ പരിചയപ്പെടുവാൻ ഇടവരും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): കുടുംബ ഐശ്വര്യം, കുടുംബ ബന്ധുജനങ്ങളിൽ നിന്നും ഗുണാനുഭവങ്ങൾ എന്നിവ ഇന്ന് ഉണ്ടാകും. ആഭരണ അലങ്കാര വസ്തുക്കളുടെ വർദ്ധനവ്, തൊഴിൽ വിജയം, ദാമ്പത്യ ഐക്യം, ധനപരമായ നേട്ടം എന്നിവ ഉണ്ടാകും. അനുകൂലമായ ഒരു ദിനമാണിത്.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): രോഗ വർദ്ധനവ്, കുടുംബ ബന്ധുജനങ്ങളുമായി അഭിപ്രായ വ്യത്യാസം എന്നിവ ഇന്ന് ഉണ്ടാകും. സ്ത്രീകൾ മൂലം മാനഹാനി, ധനപരമായ നഷ്ട്ടം എന്നിവ ഉണ്ടാവാതെ ശ്രദ്ധിക്കുക. വരവിനേക്കാൾ ചെലവ് കൂടാനും സാധ്യതയുണ്ട്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): കുടുംബത്തിൽ മാതാപിതാക്കൾക്കോ ജീവിതപങ്കാളിക്കോ തനിക്കോ രോഗാദി ദുരിതം വരുവാനും ആശുപത്രിവാസത്തിനും ഇന്ന് സാധ്യതയുണ്ട്. ഉറക്കക്കുറവ്, ഛർദ്ദി, ഉദരരോഗം എന്നിവ അലട്ടും. ബന്ധു ജനങ്ങളുമായി കലഹത്തിന് സാധ്യതയുണ്ട്.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): രോഗങ്ങളിൽ നിന്നുള്ള ശാന്തി, ശത്രുഹാനി, കുടുംബ ജീവിതത്തിലെ സൗഖ്യം എന്നിവ ഇന്ന് ലഭിക്കും. തൊഴിൽ രംഗത്ത് വിജയം, സാമ്പത്തികമായ ഉന്നതി എന്നിവ പ്രതീക്ഷിക്കാം. കുടുംബ ബന്ധുജനങ്ങളിൽ നിന്നും ഗുണാനുഭവം ഉണ്ടാകും. അനുകൂലമായ ഒരു ദിനമാണിത്.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): മാനഹാനി, മനഃസുഖക്കുറവ്, ശരീര സുഖക്കുറവ്, ഗ്യാസ്ട്രബിൾ എന്നിവ ഇന്ന് ഉണ്ടാവാം. വാഹന അപകടങ്ങളിൽ നിന്നും അത്ഭുതകരമായി രക്ഷപ്പെടാൻ സാധ്യതയുണ്ട്. കുടുംബപരമായി പ്രശ്നങ്ങൾ ഉടലെടുക്കാതെ ശ്രദ്ധിക്കുക.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): ബന്ധുജനങ്ങളുമായി ഒത്തുചേരൽ, തൊഴിൽ രംഗത്ത് വിജയം, ദാമ്പത്യ ഐക്യം, ധനപരമായ ലാഭം എന്നിവ ഇന്ന് ഉണ്ടാകും. വളരെ നാളായി കാണാതിരുന്ന സുഹൃത്തുക്കളെ കണ്ടുമുട്ടുവാനും അവരോടൊപ്പം ഇഷ്ടഭക്ഷണം കഴിക്കുവാനും സാധിക്കും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): ഭാര്യാഭർത്തൃ-സന്താന കലഹമോ അഭിപ്രായ വ്യത്യാസമോ ഇന്ന് ഉടലെടുക്കും. കാർഷിക മേഖലകളിൽ നഷ്ട്ടം സംഭവിച്ചതിനാൽ കൂടുതൽ ജാഗ്രത പാലിക്കുക. നേത്ര രോഗമുള്ളവർ കൃത്യ സമയത്തു മരുന്ന് കഴിച്ചില്ലെങ്കിൽ രോഗം മൂർച്ഛിക്കാൻ സാധ്യതയുണ്ട്.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): കുടുംബത്തിൽ അഭിവൃദ്ധിയും ഐശ്വര്യവും ഇന്ന് ഉണ്ടാകും. മറ്റുള്ളവരുടെ ആദരവും പ്രശംസയും ലഭിക്കുന്ന സന്ദർഭം ഉണ്ടാകും. ബന്ധു ജനസമാഗമം, ഭക്ഷണ സുഖം എന്നിവ ഉണ്ടാകും. സന്തോഷകരമായ ഒരു ദിനം പ്രതീക്ഷിക്കാം.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): വളരെ നാളായി കാണാതിരുന്ന ബന്ധു ജനങ്ങളെ കണ്ടുമുട്ടാനും അവരോടൊപ്പം പ്രധാനപ്പെട്ട മംഗള കർമ്മങ്ങളിൽ പങ്കെടുക്കുവാനും ഇന്ന് സാധിക്കും. പ്രണയ സാഫല്യം ഉണ്ടാവാൻ സാധ്യത കാണുന്നു.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ജീവിത പങ്കാളിയുമായും സന്താനങ്ങളുമായും കലഹമോ അഭിപ്രായവ്യത്യാസമോ ഇന്ന് ഉണ്ടാകാം. തൊഴിൽ തടസ്സം, അപമാനം, ധനപരമായ ക്ലേശം, രോഗാദി ദുരിതം, അമിതമായ ഉത്കണ്ഠ എന്നിവ ഉണ്ടാവാതെ ശ്രദ്ധിക്കുക.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): കുടുംബാംഗങ്ങൾ തമ്മിൽ അഭിപ്രായ വ്യത്യാസത്തിനും കലഹത്തിനും ഇന്ന് ഇട നൽകും. വാത- കഫ- രോഗങ്ങൾ വർദ്ധിക്കുകയും അതുവഴി പ്രയാസങ്ങൾ അനുഭവപ്പെടുകയും ചെയ്യാം. ഇന്ന് കൂടുതൽ ക്ഷമ പാലിക്കുന്നത് ഉചിതമാകും.