കിളിമാനൂരില്‍ അര്‍ധരാത്രിയില്‍ തളച്ചിട്ടിരുന്ന ആനയ്‌ക്കൊപ്പം നിന്നു സെല്‍ഫിയെടുത്ത യുവാവിനെ ആന ഗുരുതരമായി കുത്തി പരുക്കേല്‍പ്പിച്ചു. തുടയ്ക്ക് സാരമായി പരുക്കേറ്റ ആറ്റിങ്ങല്‍ മാമം സ്വദേശി ശ്രീലാലിനെ(37) തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ദേവേശ്വരം ഉമാമഹേശ്വരന്‍ ക്ഷേത്രത്തില്‍ ഇന്നലെ പുലര്‍ച്ചെ ഒന്നിനാണു സംഭവം. ക്ഷേത്രത്തില്‍ എഴുന്നള്ളത്തിനു കൊണ്ടുവന്ന ആനയെ ക്ഷേത്ര വളപ്പിലെ ആല്‍മരത്തില്‍ തളച്ച ശേഷം സമീപത്തായി പാപ്പന്മാര്‍ കിടന്ന് ഉറങ്ങുകയായിരുന്നു.

ആനയ്ക്ക് പഴം കൊടുത്താണു യുവാവ് സെല്‍ഫിയെടുത്തത്. സെല്‍ഫിയെടുക്കുന്നതിന് എത്തിയ ശ്രീലാലിനെ തുമ്പിക്കൈ കൊണ്ട് അടിച്ചിട്ടശേഷം കുത്തുകയായിരുന്നു. ആദ്യത്തെ കുത്തില്‍ ശ്രീലാല്‍ കൊമ്പുകള്‍ക്കിടയിലായിരുന്നു. രണ്ടാമത്തെ കുത്താണ് തുടയിലേറ്റത്. നിലവിളി കേട്ട് എത്തിയ പാപ്പാനാണു ശ്രീലാലിനെ രക്ഷപ്പെടുത്തിയത്. ഈ സമയം ക്ഷേത്രം ഓഡിറ്റോറിയത്തില്‍ കലാപരിപാടികള്‍ നടക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha