മലയിടംതുരുത്തിലെ ഭൂമി ഒഴിപ്പിക്കല് ശനിയാഴ്ചക്കകം പൂര്ത്തിയാക്കണമെന്ന് കോടതി
എറണാകുളം മലയിടംതുരുത്തിലെ ഭൂമി ഒഴുപ്പിക്കല് ശനിയാഴ്ചക്കകം പൂര്ത്തിയാക്കണമെന്ന് കോടതി ഉത്തരവ്. പെരുമ്പാവൂര് മുന്സിഫ് കോടതിയാണ് ഉത്തരിറക്കിയത്. റൂറല് എസ്പി അടക്കമുള്ളവര്ക്ക് കര്ശന നിര്ദേശമാണ് കോടതി നല്കിയിരിക്കുന്നത്. ഇനിയും വെച്ച് താമസിപ്പിക്കാന് അനുവദിക്കില്ലെന്ന് കോടതി വ്യക്തമാക്കി. 2003 മുതല് ഒഴിപ്പിക്കലിന് കര്ശന നിര്ദേശം നല്കിയിട്ടുള്ളതാണ്. കാലങ്ങളായി ഇത് വൈകിപ്പിക്കുന്ന സ്ഥിതിയാണ്.
ഇനി ഇത് അംഗീകരിക്കാന് കഴിയില്ലെന്ന് കോടതി വ്യക്തമാക്കി. ശനിയാഴ്ചക്കകം ഭൂമി തിരിച്ചു പിടിക്കണമെന്നും പൊലീസിന് വീഴ്ച വരരുതെന്നും കോടതി നിര്ദേശിച്ചു. അഭിഭാഷക കമ്മിഷന്, കോടതിയില് നിന്നുള്ള ഉദ്യോഗസ്ഥര്, റവന്യൂ ഉദ്യോഗസ്ഥര് എന്നിവര്ക്ക് പൊലീസ് സുരക്ഷ ഒരുക്കണമെന്നും കോടതി നിര്ദേശിച്ചു. ഏത് സാഹചര്യം ഉണ്ടായാലും നേരിടാനുള്ള തയാറെടുപ്പ് പൊലീസിന്റെ ഭാഗത്ത് നിന്ന് വേണം. കോടതി നിര്ദേശം അനുസരിച്ച് ഒഴിപ്പിക്കല് നടപടി പൂര്ത്തിയാക്കണം. ഒഴിപ്പിക്കല് നടപടി ശനിയാഴ്ചക്കകം പൂര്ത്തിയാക്കിയില്ലെങ്കില് അഭിഭാഷക കമ്മിഷന് തുടരണമെന്ന് കോടതി നിര്ദേശം നല്കി.
നടപടികള് പൂര്ത്തിയാക്കി ഭൂമി പിടിച്ചെടുത്ത് കോടതിയില് റിപ്പോര്ട്ട് സമര്പ്പിക്കണം. അതേസമയം, പോലീസ് നടപടികളെ സംബന്ധിച്ച് സമഗ്രമായ അന്വേഷണം നടത്തണമെന്ന് ആഭ്യന്തരമന്ത്രി രമേശ് ചെന്നിത്തല ആഭ്യന്തര സെക്രട്ടറിക്ക് നിര്ദേശം നല്കി. മൂന്നു ദിവസത്തിനകം ഡിജിപിയുടെ റിപ്പോര്ട്ട് സമര്പ്പിക്കണം എന്നാണ് നിര്ദേശം. കുടിയൊഴിപ്പിക്കുന്നതിന് എതിരായ പ്രതിഷേധത്തില് അമ്പതോളം പേര്ക്കെതിരെ പൊലീസ് കേസെടുത്തിരുന്നു. കുടിയിറക്ക് നടപടിക്കെതിരായ സമരം ഏറ്റെടുത്ത സിപിഐഎം ഒരു പൊലീസ് നടപടിയും ജനം അംഗീകരിക്കേണ്ടതെന്ന് ആഹ്വാനം ചെയ്തു.
https://www.facebook.com/Malayalivartha
