ഐപിഎല്ലിൽ പ്ലേ ഓഫ് പ്രതീക്ഷകൾ നിലനിർത്തി കൊൽക്കത്ത നൈറ്റ് റൈഡേഴ്സ്. മുംബൈ ഇന്ത്യൻസിനെതിരെ നേടിയ വിജയത്തോടെ നേരിയ പ്രതീക്ഷകൾ മാത്രമാണ് കൊൽക്കത്തയ്ക്കുള്ളത്.

നിർണായക പോരിൽ ഇതിനകം പുറത്തായ മുംബൈയോട് നാല് വിക്കറ്റിൻറെ വിജയമാണ് കൊൽക്കത്ത നേടിയത്. 148 റൺസ് വിജയലക്ഷ്യവുമായി ഇറങ്ങിയ കെകെആർ 18.5 ഓവറിൽ വിജയലക്ഷ്യത്തിലെത്തി. തുടക്കത്തിൽ ഒന്ന് പതറിയെങ്കിലും മനീഷ് പാണ്ഡെ (45), റോവ്മാൻ പവൽ (40) എന്നിവരുടെ പ്രകടനമാണ് കെകെആറിനെ തുണച്ചത്. ഇരുവരും അടുത്തടുത്ത ഓവറിൽ പുറത്തായെങ്കിലും റിങ്കു സിംഗും അനുകുൽ റോയിയും കൊൽക്കത്തയെ വിജയത്തിലെത്തിച്ചു. മുംബൈക്കായി കോർബിൻ ബോഷ് രണ്ട് വിക്കറ്റുകൾ നേടി. കെകെആർ ഇപ്പോൾ പോയിൻറ് ടേബിളിൽ ആറാം സ്ഥാനത്താണുള്ളത്.