സങ്കടമടക്കാനാവാതെ.... നിയന്ത്രണം വിട്ട കാർ മരത്തിലിടിച്ചു കയറിയുണ്ടായ അപകടത്തിൽ കുടുംബത്തിലെ അഞ്ച് പേർക്ക് ദാരുണാന്ത്യം. മരിച്ചവരിൽ കുട്ടികളും ഉൾപ്പെടുന്നു. ലോഹർദാഗ ജില്ലക്കാരായ ഗുലാം മുസ്തഫ (58), ഭാര്യ ഗുൽഷൻ ആര (48) റാഞ്ചിയിലെ ദൊരണ്ട സ്വദേശി മിഹ്സിൻ ഹാഷ്മിയുടെ മകൾ അനബ്യ പർവീൺ (3), സിംഡേഗയിലെ കൊലെബിര സ്വദേശി അർഷി ഹാഷ്മിയുടെ മകൾ ആയ്ര നാസ് (18 മാസം), മുഹമ്മദ് അർഷ ഹാഷ്മി (8) എന്നിവരാണ് മരിച്ചത്.

അപകടത്തിൽ നാലുപേർക്ക് ​ഗുരുതരമായി പരിക്കേറ്റതായി പൊലീസ് .റാഞ്ചിയിൽ നിന്ന് സിംഡേഗയിലേക്ക് പോവുകയായിരുന്ന വാഹനമാണ് അപകടത്തിൽപ്പെട്ടത്. കൊലെബിര മേഖലയിലെ അഗർമയിൽ വൈകുന്നേരത്തോടെയാണ് ദാരുണ അപകടം സംഭവിച്ചത്.

വാഹനത്തിന്റെ നിയന്ത്രണം വിട്ടതാണ് അപകടത്തിന് കാരണമെന്ന് പൊലീസ് . ‌പരിക്കേറ്റ നാല്പേരെ റാഞ്ചിയിലെ ആശുപത്രിയിൽ പ്രവേശിപ്പിച്ചിരിക്കുകയാണ്.