മുത്തങ്ങ ഭൂസമരത്തിനിടെ പൊലീസുകാരന് കൊല്ലപ്പെട്ട കേസില് എല്ലാ പ്രതികളെയും വെറുതെ വിട്ടു
മുത്തങ്ങ ഭൂസമരത്തിനിടെ പൊലീസുകാരന് കൊല്ലപ്പെട്ട കേസില് ആദിവാസി ഗോത്രമഹാ സഭാ നേതാവ് എം ഗീതാനന്ദന് ഉള്പ്പെടെ മുഴുവന് പ്രതികളേയും വെറുതെ വിട്ടു. കൊലപാതകം ഉള്പ്പെടെയുള്ള കുറ്റങ്ങള് തള്ളി. വനഭൂമിയില് അതിക്രമിച്ചു കയറിയ വകുപ്പ് തെളിക്കാനായില്ല. 40 പ്രതികള് ഹാജരായി. നാല് പേര് ഹാജരായില്ല. വയനാട് ജില്ലാ പ്രിന്സിപ്പല് സെഷന്സ് കോടതി 23 വര്ഷത്തിന് ശേഷമാണ് വിധി പറഞ്ഞത്. പ്രതിപ്പട്ടികയിലുള്ള 15 പേര് ഇന്ന് ജീവിച്ചിരിപ്പില്ല. 2003 ജനുവരി 5നാണ് മുത്തങ്ങ വന്യജീവി സങ്കേതത്തില് ആദിവാസികള് കുടില്കെട്ടി ഭൂസമരം ആരംഭിച്ചത്. ആദിവാസി ഗോത്ര മഹാസഭയുടെ നേതൃത്വത്തില് നടന്ന സമരത്തിന് നേരെ പൊലീസ് നടപടി തുടങ്ങിയതോടെ സംഘര്ഷം രൂക്ഷമായി. ഇതിനിടെ സമരക്കാര് കണ്ണൂര് കെഎപി നാലാം ബറ്റാലിയനിലെ കോണ്സ്റ്റബിള് കെ വി വിനോദിനെ തട്ടിക്കൊണ്ടുപോയി കൊലപ്പെടുത്തിയെന്നാണ് കേസ്. സമരനായിക സി കെ ജാനു ഉള്പ്പെടെ ആകെ 53 പേരാണ് പ്രതിപ്പട്ടികയില്. കേസ് ആദ്യം പൊലീസും പിന്നീട് െ്രെകംബ്രാഞ്ചും ഒടുവില് സിബിഐ ചെന്നൈ യൂണിറ്റുമാണ് അന്വേഷിച്ചത്. ഹൈക്കോടതി ഉത്തരവിനെത്തുടര്ന്നാണ് എറണാകുളം സിബിഐ കോടതിയില്നിന്ന് കേസ് കല്പ്പറ്റയിലേക്ക് മാറ്റിയത്. പൊലീസുകാരനെ തടവിലാക്കി കൊലപ്പെടുത്തി എന്നതിന് ദൃക്സാക്ഷികള് ആരുമില്ല. 2003 ഫെബ്രുവരി 19ന് സമരക്കാര്ക്ക് നേരെ പൊലീസ് നടത്തിയ വെടിവെപ്പില് ജോഗി എന്ന ആദിവാസി യുവാവ് കൊല്ലപ്പെടുകയും നിരവധിപേര്ക്ക് പരുക്കേല്ക്കുകയും ചെയ്തിരുന്നു. ജോഗി കൊല്ലപ്പെട്ടതില് കൃത്യമായ അന്വേഷണമോ നിയമനടപടിയോ ഉണ്ടായില്ലെന്ന വിമര്ശനങ്ങള് ഇപ്പോഴുമുണ്ട്.
https://www.facebook.com/Malayalivartha
