രാജീവ് ചന്ദ്രശേഖറിന്റെ തിരഞ്ഞെടുപ്പ് വിജയം റദ്ദാക്കണമെന്ന് കെഎസ് ശബരീനാഥന്
നേമം എംഎല്എ രാജീവ് ചന്ദ്രശേഖറിന്റെ തിരഞ്ഞെടുപ്പ് വിജയം റദ്ദാക്കണമെന്ന് ആവശ്യപ്പെട്ട് യുഡിഎഫ് സ്ഥാനാര്ത്ഥി കെഎസ് ശബരീനാഥന് ഹൈക്കോടതിയില്. രാജീവ് ചന്ദ്രശേഖര് ബംഗളൂരുവിലെ 200 കോടിയുടെ സ്വത്ത് വിവരം സത്യവാങ്മൂലത്തില് ചേര്ക്കാത്തത് ചട്ടലംഘനമാണെന്നും അതിനാല് അയോഗ്യനാക്കണമെന്നും ആവശ്യപ്പെട്ടാണ് ഹര്ജി.
മൂന്നിടങ്ങളിലെ സ്വത്ത് വിവരം മനഃപൂര്വ്വം മറച്ചുവച്ചെന്നും ഇതിന്റെ വസ്തുത പരിശോധിക്കാതെയാണ് വരണാധികാരി നാമനിര്ദേശ പത്രിക അംഗീകരിച്ചതെന്നും ശബരീനാഥന് ഹര്ജിയില് ആരോപിക്കുന്നു. ഇതിനെതിരെ വരണാധികാരിയ്ക്ക് പരാതി നല്കിയപ്പോള് തിരഞ്ഞെടുപ്പ് കേസ് നല്കാനാണ് വരണാധികാരി ആവശ്യപ്പെട്ടതെന്നും ശബരീനാഥന് പറഞ്ഞു.
അതേസമയം, കഴക്കൂട്ടം എംഎല്എ വി മുരളീധരന്റെ തിരഞ്ഞെടുപ്പ് വിജയം റദ്ദാക്കണമെന്ന് ആവശ്യപ്പെട്ട് എല്ഡിഎഫ് സ്ഥാനാര്ത്ഥിയായിരുന്ന കടകംപള്ളി സുരേന്ദ്രനും ഹൈക്കോടതിയെ സമീപിച്ചിട്ടുണ്ട്. ജനപ്രതിനിധ്യ നിയമം വി മുരളീധരന് ലംഘിച്ചെന്നാണ് കടകംപള്ളിയുടെ ആരോപണം.
https://www.facebook.com/Malayalivartha
