അധ്യാപികമാര് ഉള്പ്പെട്ട വന് എം.ഡി.എം.എ പണമിടപാട്.. പ്രതികളിലൊരാളായ കീര്ത്തനയെ കസ്റ്റഡിയില് വാങ്ങി വിശദമായി ചോദ്യം ചെയ്യും.. ലക്ഷക്കണക്കിന് രൂപയുടെ ഇടപാടുകള് നടന്നതായി കണ്ടെത്തി..
അധ്യാപികമാര് ഉള്പ്പെട്ട വന് എം.ഡി.എം.എ പണമിടപാട് കേസില് വടകര എന്.ഡി.പി.എസ് കോടതിയില് സമര്പ്പിച്ച കസ്റ്റഡി അപേക്ഷയില് തീരുമാനമായ ശേഷം അന്വേഷണം മറ്റ് പ്രതികളിലേക്ക് വ്യാപിക്കാന് പ്രത്യേക അന്വേഷണ സംഘം. കേസിലെ പ്രധാന പ്രതികളിലൊരാളായ കീര്ത്തനയെ കസ്റ്റഡിയില് വാങ്ങി വിശദമായി ചോദ്യം ചെയ്തതിന് ശേഷമാകും കൂട്ടത്തിലുണ്ടായിരുന്ന മറ്റ് അധ്യാപികമാരായ കാവ്യ, നീഷ്മ എന്നിവരെയും പോലീസ് കസ്റ്റഡിയില് വാങ്ങുക.ലഹരിവസ്തുക്കള് ഉപയോഗിക്കുന്നവരും അത് വിതരണം ചെയ്യുന്നവരുമായ നൂറുകണക്കിന്
ആളുകള് ഉള്പ്പെട്ട വന് ശൃംഖലയാണ് ഈ സംഭവത്തിന് പിന്നിലുള്ളതെന്ന് പോലീസ് വ്യക്തമാക്കുന്നു.ഇവരില് നിന്നെല്ലാം വന്തോതില് പണം സ്വീകരിച്ച് ലഹരി ശൃംഖല നിയന്ത്രിച്ചിരുന്ന വയനാട് ബത്തേരി സ്വദേശി ഷിന്റോ ഷിബുവിനായുള്ള അന്വേഷണം എന്നാല് ഇതുവരെ എങ്ങുമെത്തിയിട്ടില്ല. ലഹരി വില്പ്പനയിലൂടെ സമാഹരിച്ച തുക വിദേശ നമ്പറുകളിലുള്ള വാട്സാപ് വഴിയും ഗൂഗിള് പേ പോലുള്ള ഓണ്ലൈന് പണമിടപാട് ഐഡികളിലൂടെയുമാണ് പ്രതികള് കൈമാറിയിരുന്നത്. പിടിയിലായ അധ്യാപികമാരുടെ അക്കൗണ്ടുകളിലൂടെ ലക്ഷക്കണക്കിന് രൂപയുടെ ഇടപാടുകള് നടന്നതായി കണ്ടെത്തിയിട്ടുണ്ട്.
തുടര്ന്ന് ഈ പണം ഡെലിവറി ബോയ് ആയ ജിജില് കുര്യാക്കോസ് മുഖേന മുഖ്യ കണ്ണിയായ വയനാട് ബത്തേരി സ്വദേശി ഷിന്റോ ഷിബുവിന്റെ അക്കൗണ്ടിലേക്ക് മാറ്റുകയായിരുന്നു. ജിജില് മാത്രം ആറുമാസത്തിനിടെ കോടികളുടെ ഇടപാട് നടത്തിയിട്ടുണ്ട്. അധ്യാപികമാര് പിടിയിലായ വിവരമറിഞ്ഞ് ഷിന്റോ സംസ്ഥാനം വിട്ടതായാണ് സൂചന. ഇയാള്ക്കായി തിരച്ചില് ഊര്ജ്ജിതമാക്കിയെങ്കിലും നിലവില് വിവരമൊന്നും ലഭിച്ചിട്ടില്ല.
ചൊവ്വാഴ്ചയാണ് വടകര എന്.ഡി.പി.എസ് കോടതിയില് അന്വേഷണസംഘം കീര്ത്തനയ്ക്കായി കസ്റ്റഡി അപേക്ഷ നല്കിയത്.
വടകരയില് മുന്പ് കീര്ത്തന നടത്തിവന്ന 'ബണ് മസ്ക' കച്ചവട സ്ഥാപനം, ഫിറ്റ്നസ് സെന്റര് എന്നിവയ്ക്ക് പിന്നില് ലഹരി വില്പ്പന നടന്നിരുന്നോ എന്ന കാര്യത്തില് വ്യക്തത വരുത്താന് കസ്റ്റഡി ചോദ്യം ചെയ്യലിലൂടെ സാധിക്കുമെന്നാണ് വിലയിരുത്തല്.
https://www.facebook.com/Malayalivartha
