സ്വർണ വില ഓരോ ദിവസം കഴിയുമ്പോഴും കുതിച്ചുയരുകയാണ്. മഴക്കാലമായാലും സ്വർണത്തിന്റെ കുതിപ്പിന് ഒരു കുറവുമില്ല .
ആ​ഗസ്റ്റ് മാസത്തിൽ സ്വർണ വിലയിൽ വൻ കുതിപ്പാണ് ഉണ്ടായിക്കൊണ്ടിരിക്കുന്നത്. ആ​ഗസ്റ്റ് ഒന്നിന് 105760 രൂപയിൽ തുടങ്ങിയ കുതിപ്പ് ആദ്യ മൂന്ന് ​ദിവസങ്ങളിൽ നിശ്ചലമായി നിന്നെങ്കിലും നാലാം ദിവസം ചെറുതായൊന്ന് താഴ്ന്നു. എന്നാൽ ഇന്നലെയും ഇന്നുമായി സ്വർണ വിലയിൽ വൻ കുതിപ്പാണ് ഉണ്ടായിക്കൊണ്ടിരിക്കുന്നത്.

ഇന്നലെ ഒരു പവൻ സ്വർണത്തിൻ്റെ വില 107680 രൂപയായിരുന്നു. ഇന്ന് അതിൽ നിന്നും വലിയ മാറ്റമാണ് ഉണ്ടായിരിക്കുന്നത്. ഇന്ന് ഒരു പവൻ സ്വർണത്തിൻ്റെ വില 1,09,800 രൂപയാണ്. ഈ മാസം ഇതുവരെയുള്ളതിൽ ഏറ്റവും വലിയ തുകയാണ് ഇത്. ഒരു ഗ്രാം സ്വർണത്തിൻ്റെ ഇന്നത്തെ വില 13,725 രൂപയാണ്.അന്താരാഷ്ട്ര വിപണിയിലെ മാറ്റങ്ങളും ചലനങ്ങളുമാണ് സ്വർണ വിലയേയും ബാധിച്ചത്. മുൻമാസങ്ങളിൽ പശ്ചിമേഷ്യൻ യുദ്ധം ഉണ്ടാക്കിയ പ്രതിസന്ധികളിൽ നിന്നും വിപണി കരകേറുന്നതേ ഉള്ളൂ. വലിയ മാറ്റങ്ങളാണ് ആ മാസങ്ങളിൽ സ്വർണ വിലയിൽ ഉണ്ടായിരുന്നത്.

ഒരുലക്ഷത്തി ഇരുപതിനായിരം രൂപ വരെ സ്വർണ വില ഉയർന്ന് നിന്നിരുന്നു.ഹോര്‍മുസ് പാത വൈകാതെ തുറക്കുമെന്നാണ് വിവരം. ക്രൂഡ് ഓയില്‍ വില വലിയ തോതില്‍ ഇടിയുന്നുണ്ട്. അമേരിക്കയിലെ പലിശ നിരക്ക് വൈകാതെ കുറച്ചേക്കുമെന്നാണ് വിലയിരുത്തല്‍. ഇതെല്ലാം സ്വര്‍ണത്തിലേക്ക് കൂടുതല്‍ പേരെ ആകര്‍ഷിക്കപ്പെടുന്നുണ്ട്. ചൈന ഉള്‍പ്പെടെയുള്ള രാജ്യങ്ങളില്‍ നിന്ന് വലിയ തോതില്‍ സ്വര്‍ണത്തിന് ആവശ്യക്കാര്‍ ഏറിയിട്ടുണ്ട്.14 കാരറ്റ് സ്വര്‍ണം ഗ്രാമിന് 8785 രൂപയും പവന് 70280 രൂപയുമാണ് പുതിയ വില.

അതേസമയം, 9 കാരറ്റ് സ്വര്‍ണം ഗ്രാമിന് 5665 രൂപയും പവന് 45320 രൂപയുമാണ് നല്‍കേണ്ടത്. ആഭരണം എന്ന ഉദ്ദേശത്തില്‍ സ്വര്‍ണം വാങ്ങുന്നവര്‍ക്ക് കുറഞ്ഞ വിലയ്ക്ക് സ്വര്‍ണം വാങ്ങാന്‍ ഈ കാരറ്റുകളെ ആശ്രയിക്കാം. അതേസമയം, നിക്ഷേപമായി കരുതി സ്വര്‍ണം വാങ്ങുന്നവര്‍ക്ക് 24 കാരറ്റാണ് നല്ലത്. ഈ കാരറ്റില്‍ കോയിനും ബാറും മാത്രമേ കിട്ടൂ. ആഭരണം കിട്ടില്ല. ഏറ്റവും കൂടുതല്‍ വിലയുള്ള സ്വര്‍ണമാണ് 24 കാരറ്റ്.